ឧត្តមសេនីយ៍ឯក ង៉េង ជួ ដឹកនាំត្រួតពិនិត្យការងារប្រយុទ្ធប្រឆាំងការសម្អាតប្រាក់ នៅនាយកដ្ឋាននគរបាលព្រហ្មទណ្ឌ

ភ្នំពេញ៖ នៅព្រឹកថ្ងៃទី០៨ ខែធ្នូ ឆ្នាំ២០២១នេះ ឯកឧត្ដម ឧត្ដមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ ដឹកនាំក្រុមការងារ បសប.ហភ និងនាយការិយាល័យជំនាញទាំង១០ ប្រជុំស្តីពីការត្រួតពិនិត្យការងារប្រយុទ្ធប្រឆាំងការសម្អាតប្រាក់។

កិច្ចប្រជុំនេះ បានធ្វើឡើងនៅសាលប្រជុំរបស់នាយកដ្ឋាននគរបាលព្រហ្មទណ្ឌ។

ក្នុងកិច្ចប្រជុំនេះ ឯកឧត្តមប្រធាននាយកដ្ឋាន បានដាក់គោលការណ៍ដឹកនាំ ដើម្បីឲ្យបន្តការយកចិត្តដាក់ខ្ពស់ ទៅលើកិច្ចការងារសម្អាតប្រឆាំងការសម្អាតប្រាក់ រួមមាន៖

ទី១៖ គ្រប់ការិយាល័យ ជំនាញក្នុងអង្គភាពដែលពាក់ព័ន្ធ ត្រូវមានរបាយការណ៍បិតបញ្ចប់ការស៊ើបអង្កេត
ទី២៖ ក្រុមការងារ បសប.ហភ រៀបចំសុំគោលការណ៍ថ្នាក់ដឹកដឹកនាំបើកវគ្គបណ្ដុះបណ្ដាល ការងារសម្អាតប្រាក់
ទី៣៖ ត្រូវមានរបាយការណ៍សកម្មភាពការងារស៊ើបអង្កេត ការសម្អាតប្រាក់ឲ្យទៀងទាត់ និងទាន់ពេលវេលា
ទី៤៖ របាយការណ៍ បញ្ជូនសំណុំរឿងទៅសាលាដំបូង ត្រូវពិនិត្យនីតិវិធីឲ្យបានគ្រប់គ្រាន់៕