ភ្នំពេញ៖ អគ្គិភ័យបានឆាបឆេះផ្ទះមួយកន្លែង ដែលហេតុការណ៍នេះបានកើតឡើងកាលពីវេលាម៉ោង១៦:២០នាទី ថ្ងៃទី៣ ខែធ្នូ ឆ្នាំ២០២១ នៅចំណុចផ្លូវបេ៣៥៩ ភូមិដើមអំពិល សង្កាត់ច្បាអំពៅទី១ ខណ្ឌច្បាអំពៅ រាជធានីភ្នំពេញ។
ហេតុការណ៍អគ្គិភ័យឆាបឆេះផ្ទះនេះ កម្លាំងជំនាញកំពុងធ្វើការស្រាវជ្រាវ ហើយធ្វើឲ្យខូចខាតឆេះផ្ទះទំហំ ៣ម៉ែត្រ x ១០ម៉ែត្រ នឹងផ្ទះ៦ម៉ែត្រx១០ម៉ែត្រ អស់ទាំងស្រុង។
សូមជម្រាបថា នៅវេលាម៉ោង១៦ និង ៥៥នាទី ថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យ រាជធានីភ្នំពេញ ចំនួន ៦គ្រឿង ប្រេីប្រាស់ទឹកអស់ ៦ឡាន ស្មើរនឹង ២៤ម៉ែត្រគូប, រថយន្តរបស់ក្រសួងមហាផៃ្ទ ចំនួន២គ្រឿង ប្រើប្រាសទឹកអស់២ឡាន ស្មើរនឹង១២ម៉ែត្រគូប, រថយន្តសាលាខណ្ឌ ចំនួន១គ្រឿង ប្រើប្រាសទឹកអស់១ឡាន ស្មើរនឹង៦ម៉ែត្រគូប, រថយន្តស្រាបៀរកម្ពុជា ចំនួន១គ្រឿង ប្រើប្រាសទឹកអស់១ឡាន ស្មើរនឹង៦ម៉ែត្រគូប៕
ក្នុងហេតុការណ៍គ្រោះអគ្គិភ័ យខាងលើ គេឃើញ លោក ហ៊ត គីមនី ជាអភិបាលរង នៃគណៈអភិបាលខណ្ឌច្បារអំពៅ ដឹកនាំកម្លាំងចុះជួយអន្តរាគនន៍ពន្លត់ផងដែរ។
