ខេត្តកណ្តាល ៖ សមត្ថកិច្ច ឃាត់ខ្លួន ជនសង្ស័យម្នាក់ ករណី រក្សាទុក នឹងប្រើប្រាស់ដោយខុសច្បាប់នូវសារធាតុញៀន
នឹងមាន ដីកាបង្គាប់អោយចាប់ខ្លួន កាលពីថ្ងៃទី២៩ ខែវិច្ចិកា ឆ្នាំ ២០២១ វេលាម៉ោង១៦.២៥នាទី នៅចំណុចផ្លូវលំភូមិចុងខ្សាច់ ឃុំឈើខ្មៅ ស្រុកកោះធំ ខេត្តកណ្តាល។
ជនសង្ស័យ ឈ្មោះ ម៉េង វឌ្ឈនា (ហៅវឌ្ឈ) ភេទប្រុស អាយុ១៩ឆ្នាំ ជនជាតិ ( ខ្មែរ ) មានទីលំនៅ ភូមិចុងខ្សាច់ឃុំឈើខ្មៅ ស្រុកកោះធំ ខេត្តកណ្តាល មុខរបរ: កសិករ ធ្វើតេស្តរហ័សរក COVID.19 លទ្ធផលអវិជ្ជមាន ធ្វើតេស្តរកសារធាតុញៀន ក្នុងទឹកនោមលទ្ធផល វិជ្ជមាន។
វត្ថុតាងចាប់យកមាន៖
១ ម្ស៉ៅក្រាមសថ្លាសង្ស័យជាសារធាតុញៀនម៉ាទឹកកក(ice)ចំនួន០១កញ្ចប់ធំ។
២ ម៉ូតូម៉ាកហុងដា វ៉េវ ស៊េរីចាស់ ពណ៍ខ្មៅ គ្មានស្លាកលេខ ចំនួន០១គ្រឿង។
ក្រៅពីនេះ គឺសមត្ថកិច្ចមិនបានចាប់យកវត្ថុតាងអ្វីផ្សេងទៀតទេ។
សមត្ថកិច្ច ប្រាប់ថា ដោយយោងតាមដីកាបង្គាប់អោយចាប់ខ្លួន ចំនួន០២សន្លឹក៖
ទី១ ដីកាលេខ១០១១ ដកបចខ ចុះនៅថ្ងៃទី២៩ ខែធ្នូ ឆ្នាំ២០២០ ដោយលោកចៅក្រមស៊ើបសួរ ពេជ ម៉ារ៉ែន អមសាលាដំបូងខេត្តកណ្តាល។
ទី២ ដីកាលេខ៥៨៧ ដក.បចខ/២១ ចុះនៅថ្ងៃទី២២ ខែកញ្ញា ឆ្នាំ២០២១ ដោយលោកចៅក្រមជំនុំជម្រះ ហេង ផល្លា អមសាលាដំបូងខេត្តកណ្តាល។
ដោយជាប់ពាក់ពន្ធ័ក្នុងករណី ជួញដូរដោយខុសច្បាប់នូវសារធាតុញៀន ប្រព្រឹត្តកាលពីថ្ងៃទី០៨ ខែធ្នូ ឆ្នាំ២០២០ នៅចំណុចភូមិជ្រៃធំ ឃុំសំពៅពូន ស្រុកកោះធំ ខេត្តកណ្តាល។
លុះនៅរសៀលថ្ងៃទី២៩ ខែវិច្ចិកាឆ្នាំ២០២១ វេលាម៉ោង ១៦.២៥នាទី កម្លាំងជំនាញប្រឆាំងបទល្មើសគ្រឿងញៀនស្រុកកោះធំ បានសហការជាមួយនឹងប៉ុស្តិ៍នគរបាលរដ្ឋបាលឈើខ្មៅ បានធ្វើការស្រាវជ្រាវស៊ើបអង្កេតរហូតឈានដល់ការឃាត់ខ្លួនជនសង្ស័យឈ្មោះ ម៉េង វឌ្ឈនា (ហៅវឌ្ឈ) នៅចំណុចផ្លូវលំស្ថិតនៅក្នុងភូមិ/ឃុំ កើតហេតុខាងលើ នឹងបានឆែកឆេរដងខ្លួនរកឃើញមានលាក់ទុកនៅម្សៅក្រាមសថ្លាសង្ស័យជាសារធាតុញៀនម៉ាទឹកកកចំនួន០១កញ្ចប់ធំដែលបានលាក់ទុកនៅក្នុងហោរប៉ាវខោរខាងឆ្វេងរបស់ជនសង្ស័យ។
នៅចំពោះមុខសមត្ថកិច្ចជនសង្ស័យខាងលើនេះបានឆ្លើយសារភាពថាចំពោះថ្នាំញៀនម៉ាទឹកកកមួយកញ្ចប់ធំនេះគឺរូបគេបានទៅទិញពីអ្នកលក់ថ្នាំញៀនម្នាក់ឈ្មោះ ឡា ភេទប្រុស នៅចំណុចរោងទុកចោល ស្ថិតនៅក្នុងភូមិព្រែកជ្រៃ ឃុំព្រែកជ្រៃ ស្រុកកោះធំ ខេត្តកណ្តាល។
ដោយបានទៅទិញថ្នាំញៀនមួយកញ្ចប់ធំនេះក្នុងតំម្លៃ៨០០០០មុឺនរៀល (ប្រាំបីម៉ឺនរៀល) ដើម្បីយកមកទុកប្រើប្រាស់ជក់ជាមួយនឹងមិត្តភក្រ័្តតែត្រូវបានសមត្ថកិច្ចនគរបាលចាប់ឃាត់ខ្លួនបានរួមជាមួយថ្នាំញៀនម៉ាទឹកកកមួយកញ្ចប់ធំនេះតែម្តង។
