ខេត្តកណ្តាល៖ កម្លាំងនៃអធិការដ្ឋាននគរបាលក្រុងតាខ្មៅ ឃាត់ខ្លួនជនសង្ស័យម្នាក់ ក្នុងចំណោម ២នាក់ ក្រោយធ្វើសកម្មភាព លួច (ដែកពុម្ពសរសរស្ពាន) កាលពី ថ្ងៃទី១១ វិច្ឆិកា ២០២១ វេលាម៉ោង១៧ និង៣៧នាទីចំណុច ការដ្ឋានសាងសង់ស្ពាន
ភូមិសិត្បូ សង្កាត់សិត្បូ ក្រុងតាខ្មៅ ខេត្តកណ្តាល។
ជនរងគ្រោះ ឈ្មោះចាន់ ឆវ័ន ភេទស្រី អាយុ៣៦ឆ្នាំ ជនជាតិខ្មែរ
ទីលំនៅ ភូមិព្រែកសំរោង សង្កាត់តាខ្មៅ ក្រុងតាខ្មៅខេត្តកណ្តាល មុខរបរ បុគ្គលិកការដ្ឋានស្ពានចិនទី៩។
ជនសង្ស័យ២នាក់៖
១-ឈ្មោះស្រ៊ុន សុខហេង ភេទប្រុស អាយុ២២ឆ្នាំ ជនជាតិខ្មែរ មានទីលំនៅភូមិសិត្បូ សង្កាត់សិត្បូ ក្រុងតាខ្មៅ ខេត្តកណ្តាល មុខរបរ មិនពិតប្រាកដ ត្រូវប៉ូលិស ឃាត់ខ្លួនបាន ។
ដោយឡែកជនសង្ស័យម្នាក់ទៀត
មិនស្គាល់អត្តសញ្ញាណ គេចខ្លួនបាត់។
វត្ថុតាងចាប់យក៖
ដែកពុម្ពសរសរស្ពានចំនួន១ដើម។
រទេះរុញធ្វើពីដែកចំនួន១ ។
ប្រភពប្រាប់ថា នៅវេលាកើតហេតុខាងលើ ជនសង្ស័យបានធ្វើ សកម្មភាពលួចយកដែកសំរាប់ចាក់ពុម្ភសរសរស្ពាននៅការដ្ឋានសាងសង់ស្ពានរបស់ក្រុមហ៊ុនចិនសៀងហៃស្ថិតក្នុងភូមិសិត្បូ សង្កាត់សិត្បូ ក្រុងតាខ្មៅ ខេត្តកណ្តាល ដោយដឹកតាមរទេះរុញយកទៅលក់អោយអ្នកទិញអេតចាយតែអ្នកទិញអេតចាយមិនហ៊ានទិញទើបជនសង្ស័យ រុញយកមកលាក់ទុកនៅជិតរបងវត្តសិត្បូ ហើយត្រូវបានប្រជាពលរដ្ឋប្រទះឃើញរាយការណ៍ប្រាប់សមត្ថកិច្ចចុះទៅពិនិត្យនិងយកមករក្សាទុកជាបណ្តោះអាសន្ននៅប៉ុស្តិ៍ដើម្បីធ្វើការស្រាវជ្រាវរកមុខសញ្ញា លុះដល់ថ្ងៃទី២៩ខែឆ្នាំដដែល សមត្ថកិច្ចបានស្រាវជ្រាវតាមរយ:កាមេរ៉ាសុវត្ថិភាពក៏កំណត់មុខសញ្ញាបាន និងឈានទៅឃាត់ខ្លួនមុខសញ្ញាបានម្នាក់ ដូចខាងលើ យកមកសាកសួរនៅប៉ុស្តិ៍ រួចបញ្ជូនបន្តមកកាន់អធិការដ្ឋាននគរបាលក្រុងតាខ្មៅ ដើម្បីចាត់ការតាមនីតិវិធី។
