ភ្នំពេញ៖ នាព្រឹកថ្ងៃទី២ ខែកក្កដា ឆ្នាំ២០២១ លោក សក់ ច័ន្ទកញ្ញារិទ្ធ អភិបាលរងខណ្ឌសែនសុខ បានដឹកនាំមន្ត្រី សហការជាមួយមន្រ្តីមន្ទីរពាណិជ្ជកម្មរាជធានីភ្នំពេញ ចុះបើកឲ្យដំណើរការលក់ដូរឡើងវិញ ផ្សារទឹកថ្លា ស្ថិតនៅភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ តាមលិខិតលេខ១៥៣/២១ សសរ ចុះថ្ងៃទី១៤ ខែមិថុនា ឆ្នាំ២០២១ របឋ់រដ្ឋបាលរាជធានីភ្នំពេញ និងធ្វើការណែនាំដល់គណៈកម្មការគ្រប់គ្រងផ្សារ អោយអនុវត្តតាមវិធានការមួយចំនួន ដើម្បីទប់ស្កាត់ការឆ្លងរីករាលដាលនៃជំងឺកូវីដ-១៩ រួមមានដូចខាងក្រោម៖
-ត្រូវកំណត់ចំនួនអតិថិជនចេញ ឬចូលផ្សារ ក្នុងបរិមាណសមរម្យសមមាត្រទៅនឹងទំហំផ្សារ ក៏ដូចជាត្រូវមានគំនូសរក្សាគម្លាត សុវត្ថិភាពបុគ្គល ១,៥ ម៉ែត្រ ។
-រៀបចំកំណត់ច្រកចេញ-ចូលផ្សារ ដើម្បីជាភាពងាយស្រួលគ្រប់គ្រងការចេញ-ចូលរបស់អតិថិជន អាជីវករ និងកំណត់ ច្រកសុវត្ថិភាពក្នុងការសង្គ្រោះ ។
-ត្រូវរៀបចំកន្លែងលាងដៃ និងផ្គត់ផ្គង់សាប៊ូ ឬដាក់ទឹកអាល់កុល-ជែលអាល់កុលអោយបានច្រើនក្នុុងទីតាំងផ្សារ ដើម្បីឲ្យអាជីវករ និងអតិថិជនបានប្រេីប្រាស់ ។
-អាជីវករ សន្តិសុខ បុគ្គលិក-កម្មករ អតិថិជន និងជនទាំងឡាយណាដែលមានវត្តមានក្នុងទីតាំងផ្សារត្រូវមានកាតព្វកិច្ចពាក់ម៉ាស់ ។
ក្នុងករណីណាដែលមានជនណាបានល្មើស មិនពាក់ម៉ាស់តាមការណែនាំ ប្រធានផ្សារ ត្រូវសហការជាមួយមន្រ្តីជំនាញ ដើម្បីចុះផាកវិន័យតាមនិតិវិធីច្បាប់៕
