ខេត្តកណ្តាល៖ កម្លាំងនគរបាលប៉ុស្តិ៍នគរបាលរដ្ឋបាលព្រែកទន្លាប់ ចុះបង្ក្រាបករណីៈបង្ក្រាបល្បែងស៊ីសងខុសច្បាប់
(ជល់មាន់) ឃាត់បានតែម៉ូតូ អ្នកញៀនល្បែង រត់លឿនគេចខ្លួនទាំងអស់ កាលពីវេលាម៉ោង ១២ និង៥០នាទីថ្ងៃទី១២ ខែ
មិថុនា ឆ្នាំ២០២១នៅចំណុចចំការស្វាយ ស្ថិតក្នុងភូមិព្រែកបាក់ ឃុំ ព្រែកទន្លាប់ ស្រុកលើកដែក ខេត្ត កណ្តាល។
ជនសង្ស័យញៀនល្បែងប្រហែល១០នាក់ រត់គេចខ្លួនអស់
វត្ថុតាងចាប់យករួមមាន
១-ម៉ូតូម៉ាកHONDA DREAM ពណ៌ខ្មៅ សេរី ០១៥ គ្រឿង ពាក់ស្លាកលេខ កណ្ដាល1P-9007 ចំនួន០១គ្រឿង។
២-ម៉ូតូម៉ាកHONDA Wave ពណ៌សរ គ្មានស្លាកលេខ០១គ្រឿង។
៣-ម៉ូតូម៉ាកciti100 ពណ៌ក្រហម ស្លាកលេខ ដ4285ភព1០១គ្រឿង។
៤-ស្កុតរំក្នាយប្រើប្រាស់រួចមួយចំនួន
និងលុយខ្មែរ៤០៥,០០០៛
សមត្ថកិច្ចបញ្ជាក់ថា នៅថ្ងៃទី១២.០៦.២០២១ វេលាម៉ោងកើតហេតុខាងលើ កម្លាំងយើងបានទទួលព័ត៌មានពីប្រជាពលរដ្ឋមានមុខសញ្ញាលេងល្បែងស៊ីសង( ជល់មាន់) ភ្លាមនោះកម្លាំងផ្នែកនគរបាលយុត្តិធម៌សហការជាមួយកម្លាំងប៉ុស្តិ៍នគរបាលរដ្ឋបាលព្រែកទន្លាប់និងកម្លាំងអន្តរាគមន៍នៃអធិការដ្ឋានចុះដល់ចំណុចកើតហេតុខាងលើ ពេលនោះនាក់ញៀនល្បែងឃើញកម្លាំងយើងបាននាំគ្នារត់គេចខ្លួនអស់ បន្សល់ទុកនូវវត្ថុតាងខាងលើ កម្លាំងយើងធ្វើការចាប់យកវត្ថុតាងទាំងនោះរួចបញ្ជូន អធិការដ្ឋាននគរបាលស្រុកដើម្បីស្រាវជ្រាវរកនាក់លេងទាំងអស់នោះហៅមកធ្វើការអបរំ ។
