ពលរដ្ឋផ្ញើសារចូល ផេកស្នងការ ថា ទីតាំងខារ៉ាអូខេ៦៦៦ នៅជ្រៃធំ នៅតែលួចលាក់បេីកដំណេីរការ….!
ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល មានកិត្តិយស សូមបំភ្លឺឆ្លេីយតបទៅនឹងការចូលផ្ញើសាររបស់ប្រជាពលរដ្ឋ ទៅក្នុងប្រអប់សារផេកស្នងការដ្ឋាននគរបាលខេត្តកណ្ដាល ដែលមានខ្លឹមសារថាៈ “ ទីតាំងខារ៉ាអូខេ៦៦៦ នៅជ្រៃធំ ឃុំសំពៅពូន ស្រុកកោះធំ នៅតែលួចលាក់បេីកដំណេីរការ”។
ក្រោយពីទទួលបានព័ត៌មានខាងលេីរួច និងមានការចង្អុលបង្ហាញពីក្រុមការងារប្រតិកម្មរហ័សខេត្ត លោកវរសេនីយ៍ឯក ស៊ីម ឃាង អធិការនគរបាលស្រុក បានបញ្ជាឲ្យសមត្ថកិច្ចនគរបាលប៉ុស្ដិ៍រដ្ឋបាលសំពៅពូន ចុះពិនិត្យស្រាវជ្រាវជាបន្ទាន់ករណីនេះ។
ជាលទ្ធផល៖ កម្លាំងនគរបាលប៉ុស្ដិ៍សំពៅពូន បានដាក់ភ្នាក់ងារ ចុះពិនិត្យតាមដាន ស្រាវជ្រាវអស់រយៈពេល០៤ទៅ០៥ថ្ងៃ មកហេីយឃេីញថា ទីតាំងខារ៉ាអូខេ ៦៦៦ ខាងលេីនេះគឺពុំមានសកម្មភាពអ្វីនោះទេ។
នៅព្រឹកថ្ងៃទី១៦ ខែឧសភា ឆ្នាំ២០២១ វេលាម៉ោ១០.៣០នាទី កម្លាំងប៉ុស្តិ៍នគរបាលរដ្ឋបាលសំណៅពូន បានចុះទៅពិនិត្យផ្ទាល់ ដល់ទីតាំង ខារ៉ាអូខេ ពូទីន ៦៦៦ នៅចំណុចភូមិព្រែកសុឹង ឃុំសំពៅពូន ស្រុកោះធំខេត្តកណ្តាល ដែលម្ចាស់ទីតាំងឈ្មោះ ម៉េត គីរី ភេទប្រុស អាយុ៣៣ឆ្នាំ មានទីលំនៅភូមិព្រែកសុឹង ឃុំសំពៅពូន ស្រុកកោះធំ ខេត្តកណ្កាល។
តាមការបំភ្លឺរបស់ម្ចាស់ទីតាំងខាងលេី បានរៀរាប់ប្រាប់សមត្ថកិច្ចថា ទីតាំងខារ៉ាអូខេ ពូទីន៦៦៦ បានផ្អាកមិនដំណេីរការចាប់តាំងពីក្រសួងសុខាភិបាលចេញសេចក្តីណែនាំអំពីការប្រយុទ្ធប្រឆាំងការីករាលដាលនៃជុំងឺCOVID.19 មកម្លេះ ពុំមានការបេីកលួចលាក់ឡេីយ។
បន្ទាប់មកសមត្ថកិច្ចនគរបាលប៉ុស្ដិ៍ ក៏បានធ្វេីការអប់រំ ណែនាំ និងកិច្ចសន្យាបន្ថែមដល់ម្ចាស់ទីតាំងពុំឲ្យមានការលួចលាក់បេីកដំណេីរការនូវអាជីវកម្មរបស់ខ្លួនឡេីយនៅក្នុងគ្រាដែលមានការរីករាលដាលជំងឺ Covid-19 នេះ។
អាស្រ័យហេតុនេះ សូមសាធារណជន ដែលប្រើប្រាស់បណ្តាញទំនាក់ទំនងសង្គមមេត្តាជ្រាប និងកុំមានការភាន់ច្រឡំ៕
