ប្រមូលផ្តុំគ្នា លេងល្បែងស៊ីសង(បៀ) ល្មើសវិធានការក្រសួងសុខាភិបាល ត្រូវប៉ូលិស ឃាត់ខ្លួន !
ភ្នំពេញ៖កម្លាំងប៉ុស្តិ៍នគរបាលរដ្ឋបាលភ្នំពេញថ្មី ឃាត់ខ្លួន ជនសង្ស័យ ៣នាក់ ករណី ល្មើសវិធានការក្រសួងសុខាភិបាល (ប្រមូលផ្តុំគ្នាលេងល្បែងស៊ីសងបៀ) នៅចំណុចក្នុងបន្ទប់ជួល ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ កាលពីថ្ងៃ ទី១ មេសា ២០២១ ម៉ោង ១៧ និង០០នាទី។
១-ឈ្មោះ ថន កំសាន ភេទប្រុស អាយុ៣៨ឆ្នាំ ជនជាតិខ្មែរ មុខរបរជាងឡាន ស្នាក់នៅបន្ទប់ជួល ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ(គ្មានសារធាតុញៀន)។
២-ឈ្មោះ ស៊ុំ ធារី ភេទស្រី អាយុ៣៥ឆ្នាំ ជនជាតិខ្មែរ មុខរបរនៅផ្ទះ ស្នាក់នៅបន្ទប់ជួល ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ (គ្មានសារធាតុញៀន)។
៣-ឈ្មោះ សៀក ស្រីវ៉េត ភេទស្រី អាយុ២៤ឆ្នាំ ជនជាតិខ្មែរ មុខរបរជាងអ៊ុតសក់ ស្នាក់នៅបន្ទប់ជួល ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ(គ្មានសារធាតុញៀន) ។
សម្ភារៈបន្សល់ទុក បៀ០១ហ៊ូ និងកម្រាល១ ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ។
