ខេត្តតាកែវ៖ នៅថ្ងៃទី១៥ ខែមេសា ឆ្នាំ២០២១ វេលាម៉ោង១៤និង៥២នាទី ដោយកម្លាំងអធិការដ្ឋាននគរបាលស្រុកគិរីវង់ ដឹកនាំដោយលោកវរសេនីយ៍ឯក យុគ សា រ៉ាត់ អធិការ នគរបាលស្រុក បានដឹកនាំកម្លាំងជំនាញនិងកម្លាំងអន្តរាគមន៏ស្រុកចេញល្បាតក្នុងភូមិសាស្រ្ត លុះមកដល់ចំណុចភូមិព្រៃតាម៉ៅ ឃុំគិរីចុងកោះស្រុកគិរីវង់ ក៍បានឃើញជនសង្ស័យកំពុងធ្វើសកម្មភាពជួញដូរ ចែកចាយនូវសារធាតុញៀន ខណះពេលនោះកម្លាំងជំនាញ និងកម្លាំងអន្តរាគមន៏ក៍ បានឃាត់ខ្លួនតែម្តង។
ជនសង្ស័យចំនួន៣នាក់ ម្នាក់ជានាក់លក់ នឹង២នាក់ទៀត ជាទិញ ត្រូវបានកម្លាំងសមត្ថកិច្ចនគរបាល ស្រុកគីរីវង់ ចាប់ឃាត់ខ្លួន ខណះពេល កំពុងតែចែកចាយគ្រឿងញៀន។
ជនសង្ស័យ ១.ឈ្មោះអុិញ ប្រុស(ហៅឡេ) ភេទប្រុស អាយុ៣៦ឆ្នាំមានទីលំនៅបច្ចុប្បន្នភូមិព្រៃតាម៉ៅ ឃុំគិរីចុងកោះ ស្រុកគិរីវង់ ខេត្តតាកែវ (មុខសញ្ញាជួញដូរសកម្មភាព)។
២.ឈ្មោះ សេង សោភ័ណ្ឌ ភេទប្រុស អាយុ២១ឆ្នាំ មានទីលំនៅបច្ចុប្បន្នភូមិចំបក់ទឹម ឃុំគិរីចុងកោះ ស្រុកគិរីវង់ ខេត្តតាកែវ (មុខសញ្ញាប្រើប្រាស់)។
៣.ឈ្មោះភុំ សំអុល (ហៅម៉ក) ភេទប្រុស អាយុ៣២ឆ្នាំ មានទីលំនៅភូមិចំបក់ទឹម ឃុំគិរីចុងកោះ ស្រុកគិរីវង់ ខេត្តតាកែវ (មុខសញ្ញាប្រើប្រាស់)ក្នុងនោៈដែរសមត្ថកិច្ចបានរកឃើញនូវសារធាតុញៀនម្សៅក្រាមថ្លពណ៍សចំនួន០៨កញ្ចាប់តូច ទូរស័ព្ទដៃម៉ាកណូគា ពណ៍ខ្មៅ (ចាស់Nចុចពិល)។
បច្ចុប្បន្នកម្លាំងជំនាញកំពុងធ្វើការសាកសួរ និងកសាងសំណុំរឿងតាម និតិវិធីច្បាប់ ។
ដោយ៖ បងខន
