ខេត្តស្វាយរៀង៖ រថយន្តធុនធំ(បែនដឹកថ្មរ)ជាន់ប្វ្រាំងមិនសុី រេចង្កូតធ្លាក់ចញ្ចើមថ្នល់ទៅបុកសំយាបផ្ទះប្រជាពលរដ្ឋ តែសំណាងល្អពុំមានបង្កគ្រោះថ្នាក់មនុស្សនោះទេ គ្រាន់តែខូតខាតសំយាបផ្ទះ និងរថយន្តប៉ុណ្ណោះ។ ករណីគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង ១១:៤០នាទី ថ្ងៃទី០៧ ខែមេសា ឆ្នាំ២០២១ នៅលេីផ្លូវជាតិលេខ១ គ.ម១៣៦/១៣៧ ស្ថិតក្នុងភូមិ ប្រសូតិ២ ឃុំកណ្តៀងរាយ ស្រុក ស្វាយទាប ខេត្តស្វាយរៀង។
យោងតាមសមត្ថកិច្ចបានអោយដឹងថា៖ នៅមុនពេលកើតហេតុមានរថយន្តធុនធំ(បែនដឹកថ្មរ) ពណ៌ទឹកប្រាក់ គ្មានស្លាកលេខ ដែលធ្វើដំណើរពីទិសដៅពីលិចទៅកើត។ លុះមកដល់កន្លែងកើតហេតុខាងលើ ជាន់ប្វ្រាំងមិនសុី ក៏បានធ្លាក់ចញ្ចើមថ្នល់ បណ្តាលអោយបុកសំយាបផ្ទះប្រជាពលរដ្ឋឈ្មោះ តូច គន្ធា ភេទស្រី អាយុ ៥៨ឆ្នាំ និងសំយាបផ្ទះឈ្មោះ ពិន ចាន់ថន ភេទប្រុស អាយុ ៣៩ឆ្នាំ បណ្តាលឲ្យខូចសំយាបផ្ទះ និងអីវ៉ាន់លក់ដូរមួយចំនួន។
ហើយករណីនេះដែរពុំបង្កឲ្យមនុស្សរងរបួសនោះទេ រីឯរថយន្តខូចស្រាល បានយកមករក្សាទុកនៅ អធិការដ្ឋានស្វាយទាប រងចាំដោះស្រាយគ្នានៅពេលក្រោយ៕
រូបភាពនិងអត្ថបទ ដោយ: ខ្លាខ្មៅ
