ខេត្តស្ទឹងត្រែង៖ បុរសម្នាក់ ត្រូវបានកម្លាំងសមតត្ថកិច្ចបញ្ជូនទៅកាន់មន្ទីរពេទ្យបង្អែកភ្លាមៗ បន្ទាប់ជួបគ្រោះថ្នាក់ចរាចរណ៍ ជាមួយគោយន្ត កាលពីវេលាម៉ោង១៨ និង៣០នាទីយប់ថ្ងៃទី៦មេសា២០២១ ស្ថិតនៅភូមិវាលដេញ ឃុំអន្លុងជ្រៃ ស្រុកថាឡាបរិវ៉ាត់ ខេត្តស្ទឹងត្រែង។
មន្ត្រីនគរបាលប៉ុស្តិ៍រដ្ឋបាលឃុំអន្លុងជ្រៃ អោយដឹងថាជនរងគ្រោះឈ្មោះឡាម ឡុំ ភេទ ប្រុស អាយុ១៧ឆ្នាំ ជាកសិកររស់នៅភូមិ ស្រឡៅ ឃុំអន្លុងជ្រៃ ស្រុកថាឡាបរិវ៉ាត់ បើកបរម៉ូតូC១២៥ពណ៌ខ្មៅ សេរីឆ្នាំ២០២០ពាក់ស្លាកលេខព្រះវិហា 1A-4898 ក្នុងទិសដៅពីលិចទៅកើត លឿនទៅបុកគោយន្តពីមុខក្នុងទិសដៅស្របគ្នាបណ្តាលអោយជនរងគ្រោះដែលជាអ្នកបើកបរម៉ូតូរងរបួសធ្ងន់នៅនិងកន្លែង។
មន្ត្រីនគរបាលប៉ុស្តិ៍បន្តថាម្ចាស់គោយន្ត ឈ្មោះ សៀត សារ៉េត ភេទប្រុសអាយុ៤៥ឆ្នាំ រស់នៅភូមិវាលដេញ ឃុំអន្លុងជ្រៃ ស្រុថាឡាបរិវ៉ាត់ ជាអ្នកបើកបរគោយន្តកន្ត្រៃពណ៌ក្រហមមិនមានគ្រោះថ្នាក់អ្វីឡើយ។
នគរបាលដដែលបន្តថា ក្រោយទទួលព័ត៌មានស្តីពីគ្រោះថ្នាក់ ខាងកម្លាំងនគរបាលមូលដ្ឋាន បានចុះពិនិត្យភ្លាមៗនិងសុំអន្តរគមន៍ពីអធិការដ្ឋាននគរបសលស្រុកយករថយន្តសង្គ្រោះដឹកជនរងគ្រោះទៅកាន់មន្ទីរពេទ្យបង្អែកខេត្ត។ ចំណែកម៉ូតូ និងគោយន្ត ត្រូវយកមករក្សាទុកនៅប៉ុស្តិ៍រដ្ឋបាលដើម្បីដោះស្រាយជូន ពលរដ្ឋតាមនីតិវិធី។
មន្ត្រីនគរបាលក៍បានបញ្ជាក់ផងដែរថាកក្តាដែលបង្កអោយមានគ្រោះថា្នក់បែបនេះគឺបណ្តាលមកពីអ្នកបើកបរម៉ូតូប្រើប្រាស់ល្បឿនលឿន ចំណែកគោយន្តកន្ត្រៃពុំមានដាក់ចំណាំង ផ្លាតដើម្បីជាសញ្ញាអោយអ្នកបើកបរពីក្រោយឃើញឡើយ៕
ដោយ៖ អ៊ុល គឹមលៀង
