ជនជាតិចិនម្នាក់ បើក LEXUS 330 គេចពីគោលដៅចត្តាឡីស័ក ស្រុកស្ទឹងហាវ ក្រោយចាប់បានទើបដឹងថា…!
ខេត្តព្រះសីហនុ ៖ កាលពីថ្ងៃសុក្រ ១៣កើត ខែចេត្រ ឆ្នាំជូត ទោស័កព ស២៥៦៤ថ្ងៃទី២៦ ខែមីនា ឆ្នាំ២០២១ វេលាម៉ោង២១ និង២០នាទី កំលាំងជំនាញប្រឆាំងបទល្មើសគ្រឿងញៀន របស់អធិការដ្ឋាននគរបាលស្រុកព្រៃនប់ ទទួលបទបញ្ជាផ្ទាល់ពី លោក វរៈសេនីយ៌ឯក ហួ យ៉ៃ អធិការ អោយចេញជួយស្ទាក់ឃាត់រថយន្តមួយគ្រឿងម៉ាក LEXUS 330 ពណ៍ស ពាក់ផ្លាកលេខ ភ្នំពេញ 2AE-3298 ដែលគេចពីគោលដៅចត្តាឡីស័កស្រុកស្ទឹងហាវ រហូតដល់ម៉ោង២២ និង១០នាទី កំលាំងសមត្ថកិច្ច ក៏ប្រទះឃើញរថយន្តខាងលើ នៅមុខជញ្ជីងថ្លឹងរថយន្តផ្លូវជាតិលេខ៣ ខណៈពេលនោះដែម្ចាស់រថយន្តនោះក៏បើកត្រឡប់ក្រោយគេចទៅផ្លូវជាតិលេខ៤ វិញ រួចកម្លាំងសមត្ថកិច្ច ក៏ដេញពីក្រោយរហូតដល់ចំណុចមុខចំការដូងប្រេង១០០ខ្នង ដែលស្ថិតនៅភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ បន្ទាប់មកកំលាំងសមត្ថកិច្ច បានឃាត់ខ្លួន ជនជាតិចិន ម្នាក់ ឈ្មោះ WU YAO ភេទប្រុស អាយុ៣៥ ឆ្នាំ ទីលំនៅ និងមុខរបរមិនពិតប្រាកដ។
ដកហូត បាននៅវត្ថុតាងរួមមាន៖
ម្សៅក្រាមសថ្លាសង្ស័យសារធាតុញៀនចំនួន២កញ្ចប់ ទូរសព្ទ័ចំនួន១គ្រឿង បំពងជក់ចំនួន២
ដបជក់ចំនួន១ ដែកកេះចំនួន២ លិខិតឆ្លងដែនចំនួន១ ប័ណ្ណសំគាល់ខ្លួនចំនួន២ ដងឡាមចំនួន១ និង
រថយន្តចំនួន១ គ្រឿង។
បច្ចុប្បន្ន ជនសង្ស័យខាងលើ សមត្ថកិច្ច កំពុងកសាងសំណុំរឿងចាត់ការបន្តតាមនិតិវិធីច្បាប់៕
