រដ្ឋបាលខេត្តព្រះសីហនុ សូមថ្លែងអំណរគុណ ដល់លោក សុខ ឃាង និងភរិយា ជាម្ចាស់ផ្ទះ (បន្ទប់ជួល) ចំនួន ៣០០បន្ទប់ នៅមុខរោងចក្រញ៉ូវស្តារ សង្កាត់លេខ១ ក្រុងព្រះសីហនុ បានឯកភាពអនុគ្រោះមិនយកឈ្នួលផ្ទះ (៣០០បន្ទប់) ចំនួន២ខែ គឺសម្រាប់ខែមេសា និងខែឧសភា ពីបងប្អូនកម្មករ និយោជិតទាំងអស់ដែលកំពុងស្នាក់នៅផ្ទះជួលរបស់លោក ដើម្បីជួយសម្រួលបន្ទុករបស់បងប្អូនកម្មករ និយោជិត ដែលកំពុងជួបការលំបាក ដែលរងផលប៉ះពាល់ពីការរីករាលដាលជំងឺកូវីដ-១៩ នៅក្នុងសហគមន៍របស់យើង។
រដ្ឋបាលខេត្ត សង្ឃឹមយ៉ាងមុតមាំថា នឹងមានម្ចាស់ផ្ទះជួល ម្ចាស់បន្ទប់ជួលនៅក្នុងខេត្តព្រះសីហនុផ្សេងៗទៀត នឹងចូលរួមអនុគ្រោះបន្ធូរបន្ថយការយកឈ្នួលផ្ទះ(បន្ទប់ជួល) សម្រាប់បងប្អូនកម្មករ និយោជិតរបស់យើងជាបន្តទៀត ដើម្បីចូលរួមជារដ្ឋបាលខេត្ត និងរាជរដ្ឋាភិបាលក្នុងការប្រយុទ្ធប្រឆាំងនឹងជំងឺកូវីដ-១៩ដ៏កាចសាហាវនេះ។
