បុគ្គលិករបស់ក្រុមហ៊ុន ស៉ិនទ្រី ចំនួន២៤នាក់ ដែលកំពុងធ្វេីចត្តាឡីស័ក ក្នុងសង្កាត់ចតុមុខ ទទួលបានអំណោយ មនុស្សធម៌ ពីអនុសាខាកាកបាទក្រហមកម្ពុជា ខណ្ឌដូនពេញ !
ភ្នំពេញ៖ នារសៀលថ្ងៃ ចន្ទ៩កេីត ខែចេត្រ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២២ ខែមីនា ឆ្នាំ២០២១ វេលាម៉ោង០៥:០០នាទី លោក សុខ ពេញវុធ អភិបាល នៃគណៈអភិបាលខណ្ឌដូនពេញ និងជាប្រធានកិត្តិយសអនុសាខាកាកបាទក្រហមកម្ពុជាខណ្ឌដូនពេញ បានចាត់អោយលោក ស្រី នូ ថាវរី ប្រធានអនុសាខា កាកបាទក្រហមកម្ពុជាខណ្ឌដូនពេញ បន្តនាំយកគ្រឿងឧបភោគបរិភោគ និង ថវិកា ចែកជូនដល់ បុគ្គលិករបស់ក្រុមហ៊ុនស៉ិនទ្រី ចំនួន២៤នាក់ ដែលកំពុងធ្វេីចត្តាឡីស័ក ដែលមានទីតាំងស្ថិតនៅក្នុង ផ្ទះលេខ៣៦ ផ្លូវលេខ២៤០ ភូមិ៣ សង្កាត់ចតុមុខ ខណ្ឌដូនពេញ ។
អំណោយដែលប្រគល់ជូនរួមមាន:
ថវិកា ៤០,០០០រៀល/ក្នុងម្នាក់
អង្ករចំនួន ១០០ kg
មី ចំនួន ៥ កេស
ទឹកបរិសុទ្ធចំនួន ៥កេស
សាប៊ូម្សៅចំនួន ១០គីឡូ
សាប៊ូដុំ ចំនួន ១២ដុំ
ម៉ាស់ចំនួន ០៣ប្រអប់
ថ្នាំពេទ្យចំនួន ០៣កញ្ចប់
ថ្នាំដុសធ្មេញចំនួន ៥ឡូ
ចំពោះមុខលោកស្រី ប្រធានអនុសាខា បានពាំនាំប្រសាសន៍ផ្តាំផ្ញើរសាកសួរសុខទុក្ខ ពីលោកសំណាក់ លោក ប្រធានកិត្តិយសអនុសាខាកាកបាទក្រហមកម្ពុជាខណ្ឌ ក្នុងកាល:ទេស:កម្ពុជាកំពុងប្រយុទ្ធប្រឆាំងនឹងជំងឺឆ្លងកូវីដ-១៩ សូមបងប្អូនប្រជាពលរដ្ឋគ្រប់រូបអនុវត្តតាមវិធានសុខាភិបាលអោយបានម៉ត់ចត់ ដោយ ដាក់ខ្លួនអោយនៅ ដាច់ដោយឡែក១៤ ថ្ងៃ រងចាំការយកសំណាក់លើកទី២ និង លទ្ធផលពីគ្រូពេទ្យជំនាញ និង សូមជូនពរបងប្អូន ជៀសផុតពីជម្ងឺក៏កាចសាហាវនេះ ។
