បាត់ដំបង៖កងអន្តរាគមន៍បង្ការ បង្ក្រាបនៃស្នងការដ្ឋាននគរបាលខេត្តបាត់ដំបងឃាត់ខ្លួនជនសង្ស័យពីរនាក់បន្ទាប់ពីពួកគេធ្វើសកម្មភាពលួចយកម៉ូតូប្រជាពលរដ្ឋ១គ្រឿងគេចខ្លួនអស់រយះពេល១ម៉ោង។
ជនសង្ស័យទាំងពីរនាក់ឈ្មោះ៖ទី១-រិទ្ធ រ៉ាម៉ន ភេទប្រុស ៣១ឆ្នាំ រស់នៅភូមិចម្លងរមុាំងក្រោម ឃុំអូរសំរិល ស្រុកសំឡូត ខេត្តបាត់ដំបង ទី២-ឈ្មោះឡាយ សំណាង ភេទប្រុស អាយុ៣៨ឆ្នាំ រស់នៅភូមិរំចេក៤ សង្កាត់រតនៈ ក្រុងបាត់ដំបង ត្រូវបានកម្លាំងនគរបាលព្រហ្មទណ្ឌកំរិតស្រាលឃាត់ខ្លួនកាលពីវេលាម៉ោង១០និង២៥នាទីយប់ ថ្ងៃទី២០ ខែមិនា ឆ្នាំ២០២១ ចំណុចភូមិរំចេក៤ ស្ថិតក្នុងសង្កាត់រតនៈ ក្រុងបាត់់ដំបង ខេត្តបាត់ដំបង។
លោកវរសេនីយ៍ឯកឈឿង គឹមសុង ប្រធានការិយាល័យព្រហ្មទណ្ឌកំរិតស្រាលបានបញ្ជាក់ថា៖ក្រោយពេលកម្លាំងរបស់លោកឃាត់ខ្លួនជនសង្ស័យបានសារភាពចំពោះមុខសមត្ថកិច្ចថា ពួកគេពិតជាលួចយកម៉ូតូរបស់ជនរងគ្រោះ ឈ្មោះ នង ពុទ្ធី ភេទប្រុស អាយុ២៤ឆ្នាំ មានទីលំនៅក្នុងភូមិអូរតាគាំ៣ សង្កាត់ទួលតាឯក ក្រុងបាត់ដំបង ប្រាដកមែន។
វត្ថុតាងដែលសមត្ថកិច្ចដកហូតបានមាន៖ម៉ូតូម៉ាកហុដា Zoomer X ពណ៌ខ្មៅ ទឹកក្រូច សេរីឆ្នាំ២០១៧ ពាក់ស្លាកលេខបាត់ដំបង 1AJ-2149 ជាកម្មសិទ្ធិរបស់ជនរងគ្រោះខាងលើ។
បច្ចុប្បន្នជនសង្ស័យទាំងពីរនាក់ត្រូវបានកម្លាំងនគរបាលជំនាញរៀបចំសំណុំរឿងបញ្ជូនទៅសាលាដំបូងខេត្តបាត់ដំបងដើម្បីផ្តន្ទាទោសតាមផ្លូវច្បាប់៕
ដោយ ៖ សុខ កុសល
