ភ្នំពេញ៖ ជនសង្ស័យ២នាក់ ត្រូវ ប៉ូលិស ប៉ុស្តិ៍នគរបាលអូរបែកក្អម ឃាត់ខ្លួន ករណី លួច មានស្ថានទម្ងន់ទោស ដោយប្រព្រឹត្តអំពើហឹង្សា (ឆក់កាបូបប្រាក់) កាលពីថ្ងៃទី១៨ មីនា ២០២១ ម៉ោង០០ និង៣០នាទី នៅចំណុចមុខផ្សារទំនើបមីតថោន ផ្លូវ២០០៤ ភូមិត្រពាំងឈូក សង្កាត់អូរបែកក្អម ខណ្ឌសែនសុខ បង្កដោយជនសង្ស័យ ៤នាក់ (គេចខ្លួន២នាក់ ឈ្មោះរី និង ឈ្មោះឌី) មធ្យោបាយម៉ូតូ២គ្រឿង ។
ជនសង្ស័យ២នាក់ដែលឃាត់ខ្លួនបាន
ទី១ ឈ្មោះ ស៊ីណា ស៊ីណារ៉ុង (ហៅរ៉ុង) ភេទប្រុស អាយុ១៦ឆ្នាំ ជនជាតិខ្មែរ មុខរបរសិស្ស ស្នាក់នៅផ្ទះលេខ១៧P ផ្លូវបេតុង ភូមិម័រ សង្កាត់ដង្កោ ខណ្ឌដង្កោ (គ្មានសារធាតុញៀន) ។
ទី២ ឈ្មោះ អ៊ឹង ប៊ុណ្ណារិទ្ធ (ហៅរិទ្ធ) ភេទប្រុស អាយុ១៧ឆ្នាំ ជនជាតិខ្មែរ មុខរបរសិស្ស ស្នាក់នៅផ្ទះលេខ៣១០ ផ្លូវ៤៨ ភូមិឬស្សី សង្កាត់ស្ទឹងមានជ័យ១ ខណ្ឌមានជ័យ (មានសារធាតុញៀន) និងបក្ខពួក ០២នាក់ទៀតគេចខ្លួន បានធ្វើសកម្មភាពឆក់យកកាបូបប្រាក់ពីជនរងគ្រោះឈ្មោះ ម្នាក់ មិនស្គាល់អត្តសញ្ញាណ ទៅបាត់ក្រោយកើតហេតុ ) ត្រូវបានសមត្ថកិច្ចធ្វើការ ឃាត់ខ្លួនបានពេលកំពុងល្បាតក្នុងមូលដ្ឋាន ។
សម្ភារៈបាត់បង់ កាបូបប្រាក់របស់ជនរងគ្រោះម្នាក់ សម្ភារៈបន្សល់ទុក ម៉ូតូ១គ្រឿង ម៉ាកហុងដាសេ ១២៥ ពណ៌ខ្មៅ ផលិតឆ្នាំ២០២០ ពាក់ ស្លាកលេខ ភ្នំពេញ1IF-3126 របស់ជនសង្ស័យ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ។
