ភ្នំពេញ ៖ ជនសង្ស័យ ចំនួន ៣នាក់ ក្នុង ចំណោមបក្ខសពួក១៦នាក់ ត្រូវកម្លាំងសមត្ថកិច្ច ប៉ុស្តិ៍នគរបាលស្ទឹងមាន ជ័យ៣ ឃាត់ខ្លួនយកទៅ ធ្វើការសាកសួរ ភ្លាមៗ បន្ទាប់ពីក្រុម ជនសង្ស័យទាំងនោះ ធ្វើសកម្មភាពកាប់ប្លន់ យកម៉ូតូ របស់ជនរងគ្រោះម្នាក់ បានសម្រេច។
ហេតុការណ៍នេះ កេីតឡេីងនៅវេលាម៉ោង ១និង ៤៥នាទី រំលង អធ្រាត្រ ឈានចូលថ្ងៃ ទី១៤ ខែ មិនា ឆ្នាំ ២០២១ ទល់មុខ ការ៉ាសាំង តូតាល់ ផ្លូវ វេងស្រេង ភូមិ ដំណាក់ធំ៣ សង្កាត់ស្ទឹងមានជ័យ៣ ខណ្ឌមានជ័យ រាជធានី ភ្នំពេញ ។
ជនសង្ស័យ
ទី១.ឈ្មោះ អៀង សុខហ៊ង ភេទប្រុស ប្រុស អាយុ ១៨ឆ្នាំ មុខរបរ មិន ពិត ប្រាកដ ស្នាក់ នៅ ផ្ទះ ជួល ភូមិ ត្រពាំង ល្វា សង្កាត់ កាកាប ២ ខណ្ឌ ពោធិ៍ សែនជ័យ ។
ទី២.ឈ្មោះ ប៉ុន ថារ៉ាវុទ្ធ ភេទប្រុស អាយុ ១៨ឆ្នាំ មុខរបរ មិន ពិត ប្រាកដ ស្នាក់ នៅ ផ្ទះ ជួល ភូមិ ត្រពាំង ល្វា សង្កាត់ កាកាប ២ ខណ្ឌ ពោធិ៍ សែនជ័យ ។
ទី៣.ឈ្មោះ ផា ដាវី ភេទ ស្រី អាយុ ២០ឆ្នាំ មុខរបរ មិន ពិត ប្រាកដ ស្នាក់ នៅ ផ្ទះ ជួល សង្កាត់ បឹង សាឡាង ខណ្ឌ ទួលគោក ។
សមត្ថកិច្ច ដក ហូត ម៉ូតូ ចំនួន ២គ្រឿង ម៉ាក ហុង ដា ឌ្រីម ពណ៌ ក្រហម ពាក់ ស្លាក លេខ ភ្នំពេញ 1BU 5281 និង មួយ គ្រឿង ទៀត ម៉ាក ស៊ុយ ស៊ុ គី និច ពណ៌ស ពាក់ ស្លាក លេខ ភ្នំពេញ 1CS2886 ជា របស់ ជនសង្ស័យ ។
ចំនែក ជនរងគ្រោះ មាន ឈ្មោះ លន់ សេង លី ភេទ ប្រុស អាយុ ២៣ឆ្នាំ មុខរបរ ជាង ឡាន ស្នាក់នៅ ផ្ទះ ជួល ម្តុំ ទួល ពង្រ សង្កាត់ ចោម ចៅ ១ ខណ្ឌ ពោធិ៍ សែនជ័យ របួស ក្បាល ១កន្លែង និង មេដៃ ១កន្លែង ហើយ ម៉ូតូ ដែល ជនសង្ស័យ ប្លន់ យក ទៅ ម៉ាក ហុង ដា ឌ្រីម សេរី ឆ្នាំ ២០១៦ ឆ្នាំ ពណ៌ ខ្មៅ ពាក់ ស្លាក លេខ ស្វាយរៀង 1L7404 ជារបស់ ជន រងគ្រោះ ។
លោក វរសេនីយ៍ត្រី ឯម ភារី នាយ ប៉ុស្តិ៍ នគរបាល ស្ទឹងមានជ័យ ៣ បាន អោយ ដឹង ថា មុន និង ឈាន ទៅ ដល់ ការ ឃាត់ ខ្លួន ជនសង្ស័យ ទាំង នេះ បាន គឺ នៅ យប់ ថ្ងៃ កេីតហេតុ ជនរងគ្រោះ គាត់ បាន ជិះ ម៉ូតូ ហុងដា ឌ្រីម សេរី ឆ្នាំ ២០១៦ ពណ៌ ខ្មៅ នៅ អង្គុយ លេង ជាមួយ មិត្តភ័ក្ដិ នៅ កន្លែង កើត ហេតុ ហើយ ពេលនោះ ដែរ ក៍ស្រាប់ តែ មាន ក្រុម ជនសង្ស័យ មាន គ្នា ចំនួន ១៦នាក់ បាន ជិះ ម៉ូតូ ចំនួន ៤គ្រឿង ប្រដាប់ ដោយ កាំបិត បាន មក ធ្វើ សកម្មភាពកាប់ទៅជនរងគ្រោះបណ្តាលអោយរងរបួស ហេីយ យកម៉ូតូរបស់ជនរងគ្រោះ ជិះគេចខ្លួនតែម្តង ។
លោកនាយប៉ុស្តិ៍ បញ្ជាក់ថា ខណៈ ដែលជនសង្ស័យ ធ្វើសកម្មភាព ក៏ប្រទះជាមួយ និងកម្លាំងល្បាតរបស់ ប៉ុស្តិ៍ នគរបាលស្ទឹងមានជ័យ៣ បានធ្វើការជិះដេញតាម រហូតដល់ ដល់មុខ បុរី សន្តិភាព២ សង្កាត់ចោមចៅ ២ ខណ្ឌ ពោធិ៍សែនជ័យ ក៍ធ្វេី ការឃាត់ ខ្លួនបានជនសង្ស័យ ចំនួន៣នាក់ ក្នុងនោះ មានស្រីម្នាក់ រួមទាំងម៉ូតូ២គ្រឿង នាំខ្លួន យកទៅ ធ្វើការសាកសួរ នៅស្នាក់ការប៉ុស្តិ៍នគរបាល ស្ទឹងមានជ័យ ៣តែ ម្តង។
រីឯបក្ខពួក ជនសង្ស័យ ចំនួន ១៣នាក់ទៀត បានរត់គេចខ្លួនបាត់ស្រមោលអស់ ដោយយកទាំងម៉ូតូ របស់ ជនរងគ្រោះទៅជាមួយផងដែរ ។
ក្រោយពេលសាកសួររួចហើយ ជនសង្ស័យ ត្រូវបានកម្លាំងសមត្ថកិច្ច ក៍សាង សំនុំ រឿង បញ្ជូន ខ្លួន ទៅ អធិការ ដ្ឋាន នគរបាល ខណ្ឌ មានជ័យ ដេីម្បី ចាត់ការបន្តតាមនិតិ វិធី ។
