ចិនទៀតហើយ! ថ្ងៃនេះ កម្លាំងសឹករងខេត្តតាកែវ ឃាត់ខ្លួន ជនជាតិ ចិន៥នាក់ ដែលបានឆ្លងដែន ពីវៀតណាម ចូលមក កម្ពុជា
ខេត្តតាកែវ៖កំលាំងតំបន់ប្រតិបត្តិការសឹករងខេត្តតាកែវ បានឃាត់ខ្លួនជនជាតិចិន០៥នាក់ និងអ្នករត់ម៉ូតូឌុបចំនួន០២នាក់ ជាជនជាតិខ្មែរ នៅព្រឹកថ្ងៃទី១២ ខែមិនា ឆ្នាំ២០២១នេះ ខណះ ដែលពួកគេ កំពុងលួចឆ្លងដែនពីប្រទេសវៀតណាម ចូលមកប្រទេសកម្ពុជា ស្ថិតនៅភូមិជ្រៃគោកពោធិ៍ ឃុំគោកពោធិ៍ ស្រុកបូរីជលសារ ខេត្តតាកែវ។តាមការឲ្យដឹងពី
លោកឧត្តមសេនីយ៍ត្រី នាង សុភារ៉ា មេបញ្ជាការតំបន់ប្រតិបត្តិការសឹករងខេត្តតាកែវ បានឲ្យដឹងថា លោកបានបញ្ជាកម្លាំងផ្នែកសឹករងបូរីជលសារ សហការជាមួយអធិការនគរបាលស្រុកបូរីជលសារ ចេញល្បាតតាមព្រំដែន និងបានឃាត់ខ្លួនជនជាតិចិនចំនួន០៥នាក់ និងអ្នករត់ម៉ូតូឌុបចំនួន០២នាក់ ដែលបានលួចឆ្លងដែនពីប្រទេសវៀតណាម ចូលមកប្រទេសកម្ពុជា តាមច្រកព្រំដែនស្រុកបូរីជលសារ។បច្ចុប្បន្នក្រោយពីបានធ្វើការឃាត់ខ្លួនជនជាតិចិនទាំង០៥នាក់ សមត្ថកិច្ចពាកព័ន្ធបានបញ្ជូនពួកគាត់ទៅធ្វើចត្តាឡីស័ក នៅមជ្ឈមណ្ឌលគរុកោសល្យភូមិភាគតាកែវ។
ដោយ៖ បងខន
