ចៅសង្កាត់ភ្នំពេញថ្មី អំពាវនាវដល់ បងប្អូនចូលរួមទប់ស្កាត់ការពារជំងឺ កូវីដ-១៩ និងអនុវត្តតាមការណែនាំរបស់ក្រសួងសុខាភិបាល

ភ្នំពេញ៖ នាព្រឹកថ្ងៃទី២៦ ខែកុម្ភៈ ឆ្នាំ២០២១ លោក ជុំ សារ៉ាយ ចៅសង្កាត់ភ្នំពេញថ្មី បានយកចិត្តទុកដាក់ ដោយដឹកនាំក្រុមការងារចុះមូលដ្ឋានផ្សព្វផ្សាយស្តីពីការប្រយុទ្ធប្រឆាំងជំងឺកូវីដ-១៩ និងចែកម៉ាស់ក្រណាត់អាចបោកទឹកបាន ជាអំណោយរបស់សម្តេចតេជោ ហ៊ុន សែន ចែកជូនបងប្អូនតាមផ្លូវសាធារណៈ តាមផ្សារ និងទីតាំងមួុយចំនួនទៀត ក្នុងមូលដ្ឋានសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។

លោក ជុំ សារ៉ាយ អំពាវនាវដល់បងប្អូនចូលរួមទប់ស្កាត់ការពារជំងឺ កូវីដ-១៩ និងអនុវត្តតាមការណែនាំរបស់ក្រសួងសុខាភិបាល និងរាជរដ្ឋាភិបាលកម្ពុជា អោយបានត្រឹមត្រូវ និងជាប្រចាំ ដើម្បីសុវត្ថិភាពក្រុមគ្រួសារ ប្រជាជន និងប្រទេសជាតិរបស់យើង ។