លោក ឌី រ័ត្នខេមរុណ ដឹកនាំមន្រ្តី និងក្រុមការងារ ចុះចែកម៉ាស់ជូនប្រជា ពលរដ្ឋរស់នៅតាមសហគមន៌ ក្នុងសង្កាត់ស្ទឹងមានជ័យទី ៣ ខណ្ឌមានជ័យ 

ភ្នំពេញ៖ នារសៀលថ្ងៃពុធ ១៣កើត ខែ ផល្គុន ឆ្នាំជូត ទោស័ក ព.ស ២៥៦៤ ត្រូវនិងថ្ងៃទី ២៤ ខែ កុម្ភៈ ឆ្នាំ២០២១ លោក លោក ឌី រ័ត្នខេមរុណ អភិបាលរង ខណ្ឌមានជ័យ បានដឹកនាំមន្ត្រីរាជការសាលាខណ្ឌមានជ័យ កំលាំងសន្តិសុខសណ្តាប់ធ្នាប់ ខណ្ឌមានជ័យ លោកចៅសង្កាត់ស្ទឹងមានជ័យទី ៣ សមាជិក សមាជិកា ក្រុមប្រឹក្សា សង្កាត់ លោក លោកស្រី មេភូមិ ចុះចែកម៉ាស ដែលជាអំណោយរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា តាមរយៈ ឯកឧត្តម ឃួង ស្រេង អភិបាលរាជធានីភ្នំពេញ ជូនដល់បងប្អូនប្រជាពលរដ្ឋ ចំនួន ២ សហគមន៍ គឺ

១. សហគមន៍អភិវឌ្ឍន៍មានជ័យ ស្ថិតនៅភូមិដំណាក់ធំ ២ សង្កាត់ស្ទឹងមានជ័យទី៣ ចំនួន ១០០០ ម៉ាស់ ។
២. សហគមន៍កសិកម្មរស្មីសាមគ្គី ស្ថិតនៅភូមិឫស្សី ២ ខណ្ឌមានជ័យ រាជធានីភ្នំពេញ ចំនួន ១០០០ ម៉ាស់ ដោយម្នាក់ទទួលបាន ម៉ាស ២ ។

នាឱកាសនោះដែរ លោក ឌី រ័ត្នខេមរុណ អភិបាលរង ខណ្ឌមានជ័យ បានលើកឡើងថា សូមអោយក្រុមការងារ ត្រូវបន្តយកចិត្តទុកដាក់ ផ្សព្វផ្សាយអប់រំ អំពីវិធានការការពារការឆ្លងជំងឺ-១៩ អោយបានទំលំទូលាយដល់ បងប្អូនប្រជាពលរដ្ឋដែលរស់នៅក្នុងសហគមន៍ក្រីក្រដែលរស់នៅក្នុងមូលដ្ឋានរបស់ខ្លួន អោយកាន់តែច្បាស់ពីការរីករាលដាលនៃជំងឺជំងឺ-១៩ ។

ជាមួយគ្នានេះដែរ លោក ឌី រ័ត្នខេមរុណ ក៍បានអំពាវនាវដល់ ដល់ប្រជាពលរដ្ឋរស់នៅក្នុង សហគមន៍ក្រីក្រ ទាំង២ ក្នុងមូលដ្ឋានសង្កាត់ស្ទឹងមានជ័យទី៣ នៃរដ្ឋបាលខណ្ឌមានជ័យ សូមបងប្អូនប្រជាពលរដ្ឋទាំងអស់បង្កើន យកចិត្តទុកដាក់ការពារ​ រក្សាអនាម័យជានិច្ចតាមការណែនាំរបស់ក្រសួងសុខាភិបាល ដេីម្បីចូលរួមទប់ស្កាត់​ បង្ការ ហានិភ័យពីការឆ្លងជំងឺ កូវីដ-១៩ ទាំងអស់គ្នា ដោយផ្តើមចេញពីខ្លួនយើង ត្រូវលាងសម្អាតនៅភាពកខ្វក់ជាមួយនិង អាកុល ជែល ឬសាប៊ូ និងពាក់ម៉ាស់ឲ្យបានត្រឹមត្រូវ ជាប្រចាំផងដែរ ។