ស្ទឹងត្រែង៖ បុរសម្នាក់ ត្រូវបានកម្លាំងប៉ុស្តិ៍នគរបាលឃុំសេកុងស្រុកសៀមប៉ាង ឃាត់ខ្លួនបញ្ជូនមកកាន់អធិការនគរបាលស្រុក ពាក់ព័ន្ធ ករណីប្រើអំពើហិង្សា ទៅលើភរិយា របស់ខ្លួនព្រមទាំងដកហូតបានអាវុធកែច្នៃមួយដើម នៅវេលាម៉ោង ៨ និង៣០ ព្រឹកថ្ងៃទី ២០ ខែកុម្ភៈឆ្នាំ ២០២១។
មន្ត្រីប៉ុស្តិ៍នគរបាលឃុំសេកុងបានបញ្ជាក់ថា បុរសត្រូវឃាត់ខ្លួន ឈ្មោះ ម៉ៅ ធី អាយុ៥៩ឆ្នាំ រស់នៅភូមិលុនត្រើយខាងកើតទន្លេសេកុង ឃុំសេកុង ស្រុកសៀមប៉ាង។ រីឯស្ត្រីជាប្រពន្ធឈ្មោះ រវ៉ង់ តង់អាយុ ៣ ឆ្នាំ។
ប្រភពប្រាប់ថា នៅវេលាម៉ោង២៣ យប់ថ្ងៃទី១៩ ខែកុម្ភៈ ២០២១ មានករណីហឹង្សា កើតឡើងរវាងប្ដីប្រពន្ធ។ បន្ទាប់មកស្ត្រីជាប្រពន្ធ ឈ្មោះ រវ៉ង់តង់ ក៏បានដាក់ពាក្យបណ្ដឹងទៅកាន់ប៉ុស្តិ៍នគរបាលឃុំសេកុងហើយកម្លាំងនគរបាលបានឃាត់ខ្លួននៅពេលព្រឹកថ្ងៃទី ២០ កុម្ភៈ ២០២១ បញ្ជូនសំណុំរឿងទៅអធិការដ្ឋាននគរបាលស្រុកសៀមប៉ាង និងបន្តមកកាន់ស្នងការដ្ឋាននគរបាលខេត្ត ជាបន្តទៀត។
តាមការបញ្ជាក់ឲ្យដឹងទៀតថា ក្រោយពីឃាត់ខ្លួនបុរសជាប្ដី ក្នុងករណីហិង្សានេះ ក៏បានដកហូតអាវុធច្នៃមួយដើម និងឧបករណ៍សម្ភារៈ ឆក់ត្រីមួយ និងវិទ្យុទាក់ទងចំនួន៤គ្រឿង៕ ដោយ៖ អ៊ុល គឹមលាង
