ផ្ទុះវីដេអូសន្តិសុខម្នាក់ រំដោះស្រ្ដី៤នាក់ពីកន្លែងធ្វើចត្ដាឡីស័កទៅក្លឹប ពេលត្រលប់មកសណ្ឋាគារវិញរកឃើញវិជ្ជមាន២នាក់
នៅព្រឹកមិញនេះ កម្ពុជាបានរកឃើញអ្នកឆ្លងមេរោគកូវីដ១៩ចំនួន៣២នាក់ឯណោះ ដែលកើតចេញពីកន្លែងកម្សាន្ដមួយ និងវាបានក្លាយជាព្រឹត្ដិការណ៍ឆ្លងសហគមន៍ថ្មីនៅកម្ពុជា។
ក្នុងសន្និសីទកាសែតទាក់ទងទៅនឹងបញ្ហានេះដែរ សម្តេចតេជោ ហ៊ុន សែន បានបញ្ជាក់ថាសន្តិសុខសណ្ឋាគារមួយកន្លែង បានលួចរំដោះស្ត្រី៤នាក់ដែលកំពុងធ្វើចត្តាឡីស័ក អោយបានចេញទៅដើរលេងក្លឹប ហើយត្រឡប់ចូលមកធ្វើចត្តាឡីស័កវិញ ស្រាប់តែរកឃើញថាក្នុងចំណោមស្ត្រី៤នាក់នោះ រកឃើញមានវិជ្ជមាន២នាក់។
សម្ដេចបានសង្កត់ធ្ងន់ទៀតថាបញ្ហាមួយនេះមិនត្រូវឱ្យកើតមានឡើងបន្ដទៀតទេ រឿងមានអ្នករត់ការឱ្យអ្នកធ្វើចត្ដាឡីស័កបានចេញក្រៅនេះ។ ខណៈដែលបច្ចុប្បន្នក្រុមការងារកំពុងតាមដានអ្នកពាក់ព័ន្ធទាំងអស់មកពិនិត្យ និងធ្វើចត្ដាឡីស័កឱ្យបានត្រឹមត្រូវ៕
https://www.facebook.com/100008699315878/videos/2550930438540242/
ប្រភពវីដេអូ៖ បង ម៉េង អ្នកសារព័ត៌មាន
