ជនរងគ្រោះពីរនាក់រងរបួសធ្ងន់ដោយសារអ្នកលេងមួយក្រុមជិះម៉ូតូដេញកាប់យ៉ាងអាណាធិបតេយ្យក្នុងស្រុកកំរៀង

បាត់ដំបង៖នៅវេលាម៉ោង២២និង៣០នាទីយប់ថ្ងៃទី១៦ ខែមេសា ឆ្នាំ២០១៨​ មានក្រុមអ្នកលេងជិះម៉ូតូ៣គ្រឿងប្រដាប់ដោយដាវសាំម៉ូរ៉ៃ១ដើមកាប់ជនរងគ្រោះពីរនាក់បណ្តាលអោយរងរបួសធ្ងន់។

ជនរងគ្រោះទាំពីរឈ្មោះ៖ទី១-សេត សុីថា ភេទប្រុស អាយុ២៣ឆ្នាំត្រូវស្មាខាងឆ្វេង១ដាវរីឯជនរងគ្រោះទី២-ឈ្មោះ ថា វុទ្ធី ភេទប្រុស អាយុ២៤ឆ្នាំរងកាំដោយដាវសាំម៉ូរ៉ៃចំក្បាល និងស្មារងរបួសធ្ងន់។

ហេតុការណ៍នេះបានកើតឡើងនៅចំណុចភូមិគគី ឃុំអូរដា ស្រុកកំរៀង កាលពីវេលាដូចការរៀបរាប់ខាងលើ។

បច្ចុប្បន្នជនរងគ្រោះទាំពីរនាក់កំពុសម្រាកព្យាបាលនៅមណ្ឌលសុខភាពត្រាង ស្រុកកំរៀង ខេត្តបាត់ដំបង។

ចំពោះករណីហិង្សានេះសមត្ថកិច្ចកំពុងស្រាវជ្រាវរកជនដៃដល់យកមកផ្តន្ទាទោសតាមផ្លូវច្បាប់៕ដោយ សុខ កុសល

បន្ថែមយោបល់របស់អ្នក

យោបល់