ព្រឹតិ្តការណ៍ថ្មីៗ

ចប់បាត់! ហាង​ ពេជ្រ​ និច​ បោះដុំលក់​ និងលក់រាយផលិតផលថែរក្សាសម្រស់ពីប្រទេសថៃ​ កូរ៉េ សង្ស័យនាំចូលផលិតផលក្លែងក្លាយ

1 ខែ មុន 166 តូ សុផល

ភ្នំពេញ​ ៖ គណៈកម្មការប្រយុទ្ធប្រឆាំងផលិតផលក្លែងក្លាយក្រសួងមហាផ្ទៃ ដោយមានការសម្របសម្រួលពីលោក ងិន ពេជ្រ ព្រះរាជអាជ្ញារង​ នៃអយ្យការអមសាលាដំបូងរាជធានីភ្នំពេញ ចុះឆែកឆេរ​ និងត្រួតពិនិត្យទីតាំងមានទទួលចែកចាយបោះដុំ និងលក់រាយគ្រប់ផលិតផលថែរក្សាសម្រស់អាហារបំប៉នអោយស្បែកស និង Make Up គ្រប់ប្រភេទ ដែលនាំចូលពីប្រទេសថៃ និង កូរ៉េ ធានាថាសុទ្ធ ១០០% យីហោរ ពេជ្រ​ និច ប៊ីយូធី (Pic_Nic_Beauty)។ នៅក្នុងប្រតិបត្តិការចុះឆែកឆេរនេះបានធ្វើឡើងនៅវេលាម៉ោង​ ៤និង៣០នាទីរសៀល ថ្ងៃទី២៥ ខែមករា ឆ្នាំ២០១៨ នៅចំណុចផ្ទះលេខ៦៤ដេ ក្រុម១៧ ភូមិ៧ ផ្លូវ២៥៧​ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ។

នៅក្នុងការចុះត្រួតពិនិត្យត្រូវបានខាងភាគីម្ចាស់ទីតាំងហាមអ្នកព័ត៌មានមិនអោយថតធ្វើការផ្សព្វផ្សាយឡើយ។ ហើយបានធ្វើការគំរាមប្តឹងអ្នកសារព័ត៌មាននៅពេលដែលហ៊ានថតសកម្មភាពនេះយកទៅផ្សព្វផ្សាយជាសាធារណៈនោះ។

ក្រោយមក​ មានមន្ត្រីសមត្ថកិច្ចរូបទៀត​ បានដើរចេញមកខាងក្រៅ​ស្តីអោយអ្នកសារព័ត៌មានដែលកំពុងផ្តិតរូបភាពនេះថា​ នឹងធ្វើការប្តឹងអ្នកសារព័ត៌មានណាដែលហ៊ានផ្សព្វផ្សាយ​ ព្រមទាំងបានអោយម្ចាស់ទីតាំងថតរូបអ្នកសារព័ត៌មានទុកទៀត។

គួររំលឹកថា​ នៅថ្ងៃទី២២​ ខែមករា​ ឆ្នាំ២០១៨នេះ​ ក្នុងកម្មវិធីជួបសំណេះសំណាលជាមួយអ្នកសារព័ត៌មានប្រចាំឆ្នាំលើកទី២​ សម្តេចតេជោ ហ៊ុន សែន នាយករដ្ឋមន្ត្រី​ នៃព្រះជាណាចក្រកម្ពុជា បានមានប្រសាសន៍ថា​ អ្នកសារព័ត៌មានទាំងអស់ត្រូវផ្សព្វផ្សាយព័ត៌មានពិតទៅដល់ប្រជាពលរដ្ឋដែលរស់នៅទូទាំប្រទេសកម្ពុជា​ ដើម្បីអោយពួកគាត់បានដឹងពីព័ត៌មានពិត៕

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ