ព្រឹតិ្តការណ៍ថ្មីៗ

ប្រជាសហគមន៍មានជីវភាពរីកចម្រើនតាមរយៈទេសចរណ៍ធម្មជាតិនៃតំបន់ការពារធម្មជាតិក្នុងខេត្តមណ្ឌលគិរី

4 ខែ មុន 43 តូ សុផល

មណ្ឌលគិរី៖ សហគមន៍ទេសចរណ៍ធម្មជាតិភូមិអណ្តូងក្រឡឹង ស្ថិតនៅភូមិអណ្តូងក្រឡឹង ឃុំ សែនមនោរម្យ ស្រុកអូរាំង

ក្នុងដែនជម្រកសត្វព្រៃកែវសីមា ខេត្តមណ្ឌលគិរី តំបន់នេះមានសារៈសំខាន់ជាសាកល សម្រាប់ការអភិរក្សប្រភេទសត្វពានរ ដូចជាស្វាកន្ទុយស និងទោចថ្ពាល់លឿង ពពួកខ្លា ដំរីអាស៊ី ក្រុមគោសាទិស និងសត្វស្លាបជាច្រើនប្រភេទ។

ដែនជម្រកសត្វកែវសីមា បានផ្តល់ជាលំនៅដ្ឋានសម្រាប់សហគមន៍ជនជាតិដើមភាគតិច ពូនង (ព្នង) ដែលកំពុងរស់នៅ ដែលមានវប្បធម៌ ទំលៀមទំលាប់ ប្រពៃណី ជំនឿសាសនាតាំងពីដូនតាគ្រប់ជំនាន់ដ៏យូរលុងមកហើយ ។ លោក តាន់ សេដ្ឋា ទីប្រឹក្សាបច្ចកទេស គម្រោងអង្គការសហគមន៍អភិរក្សសត្វព្រៃ(WCS) បានលើកឡើងថា សហគមន៍ទេសចរណ៍ធម្មជាតិនេះ មានភាពទាក់ទាញភ្ញៀវទេសចរណ៍ជាតិ និងអន្តរជាតិ បានចំនួនជាង ២៥០ នាក់ និងរកប្រាក់ចំនូលជិត( ១ម៉ឺនដុល្លារអាមេរិក ) ក្នុងឆ្នាំ២០១៧ តាមរយៈមកទស្សនាជំរុំសត្វទោច ដែលរួមមានសត្វទោចថ្ពាល់លឿង ស្វាកន្ទុយស ប៉ាក់ខ្ទៀវ ពោះបង្កង់ មាន់ទោបៃតង និថនិកសត្វជាច្រើនប្រភេទ ព្រមទាំងទៅកម្សាន្តទឹកធ្លាក់ធម្មជាតិជាច្រើនកន្លែងទៀត។ សេវាកម្មទេសចរណ៍នេះបានធ្វើឱ្យជីវភាពប្រជាសហ គមន៍កាន់តែល្អប្រសើរឡើង ហើយពួកគាត់រួមចំណែកការពារ អភិរក្សធនធានធម្មជាតិ ជីវៈចម្រុះ និងសត្វព្រៃ។

សូមបញ្ជាក់ថា អង្គការសហគមន៍អភិរក្សសត្វព្រៃ(WCS) សហការជាមួយក្រសួងបរិស្ថាន បានរៀបចំ ទស្សនៈកិច្ចរបស់ក្រុមអ្នកសារព័ត៌មាននៅសហគមន៍ទេសចរណ៍ធម្មជាតិភូមិអណ្តូងក្រឡឹង ស្ថិតនៅដែនជម្រក សត្វព្រៃកែវសីមា ក្នុងខេត្តមណ្ឌលគិរី មានរយៈ ៣ថ្ងៃ ចាប់តាំងពីថ្ងៃទី១០ ដល់ថ្ងៃទី១២ ខែមករា ឆ្នាំ២០១៨ ដើម្បីពិនិត្យមើលលទ្ឋផលរបស់គម្រោងអភិរក្សធនធានធម្មជាតិ ជីវៈចម្រុះ សត្វព្រៃ និងកាបង្កើតសហគមន៍អេកូទេចរណ៍ធម្មជាតិនៃតំបន់ការពារធម្មជាតិ៕

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ