ព្រឹតិ្តការណ៍ថ្មីៗ

ក្រសួងទេសចរណ៍ អំពាវនាវឱ្យយុវជនដែលមានជំនាញឆុងកាហ្វេ ចូលរួមប្រឡងសមត្ថភាពជំនាញតាមស្តង់ដាអាស៊ាន

1 ឆ្នាំ មុន 9 តូ សុផល

ភ្នំពេញ៖ ក្រសួងទេសចរណ៍ សហការជាមួយក្រុមហ៊ុន KOFI នឹងរៀបចំប្រឡងធ្វើតេស្តសមត្ថភាពយុវជន ដែលកំពុងបម្រើការងារតាមភោជនីយដ្ឋាន ហាងកាហ្វេ ឬសណ្ឋាគារ ដែលមានជំនាញឆុងកាហ្វេ (Barista) ដើម្បីផ្តល់វិញ្ញាបនបត្រទទួលស្គាល់សមត្ថភាពស្របតាមស្តង់ដាអាស៊ាន។

សម្រាប់ជ័យលាភី នឹងត្រូវបានទទួលស្គាល់ថា មានសមត្ថភាពតាមស្តង់ដាអាស៊ាន ដោយលេខាធិការដ្ឋានអាស៊ាន។ ការធ្វើតេស្តសមត្ថភាពនេះ ជាកម្មវិធីការងារមួយរបស់ក្រសួងទេសចរណ៍ ដើម្បីលើកទឹកចិត្តដល់យុវជនឱ្យខិតខំអភិវឌ្ឍជំនាញរបស់ខ្លួន ឆ្លើយតបនឹងតម្រូវការការងារផ្នែកទេសចរណ៍ ដែលកំពុងតែមានការកើនឡើងនៅកម្ពុជា។
កម្មវិធីវាយតម្លៃសមត្ថភាពខាងលើ រៀបចំឡើងស្របតាមមុំយុទ្ធសាស្ត្រ «បុគ្គលិកម្នាក់ ជំនាញមួយ» ដែលក្រសួងទេសចរណ៍បានដាក់ចុះ ដើម្បីសម្រេចចក្ខុវិស័យ នៃផែនការយុទ្ធសាស្ត្រអភិវឌ្ឍន៍ទេសចរណ៍កម្ពុជា ឆ្នាំ២០១២-២០២០ របស់ខ្លួន។

បច្ចុប្បន្នយុវជនប្រមាណ ៦២ម៉ឺននាក់ កំពុងបម្រើការងារដោយផ្ទាល់ក្នុងវិស័យទេសចរណ៍កម្ពុជា ហើយនៅឆ្នាំ២០២០ ជាមួយនឹងការរំពឹងទទួលភ្ញៀវទេសចរអន្តរជាតិប្រមាណ ៧លាននាក់ និងបង្កើតការងារដោយផ្ទាល់ប្រមាណជិត ១លាននាក់ ដែលនេះជាឱកាសដ៏ធំធេង សម្រាប់យុវជនចាប់យកជំនាញទេសចរណ៍ និងខិតខំអភិវឌ្ឍសមត្ថភាពរបស់ខ្លួនតាមវិថីអភិវឌ្ឍន៍ជំនាញ ដែលក្រសួងទេសចរណ៍បានដាក់ចុះ។

ខាងក្រោមនេះ ជាសេចក្ដីជូនដំណឹងរបស់ក្រសួងទេសចរណ៍៖

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ

error: Content is protected !!