ព្រឹតិ្តការណ៍ថ្មីៗ

លោកប៉ាង លីដា៖ តាមផ្លូវផ្សារហេងលីហាក់ប្រសើរ សូមអរគុណលោកពូ អ្នកមីងចូលរួមសហការយ៉ាងល្អ​ជាមួយ​អាជ្ញាធរ(video)

2 ឆ្នាំ មុន 2 tnn_admin

 

ភ្នំពេញ៖ ជួសមុខលោក ឯក ឃុនដឿន អភិបាលខណ្ឌ ទួលគោក លោក ប៉ាង លីដា អភិបាលរងខណ្ឌ សូមអរគុណចំពោះលោកពូ អ្នកមីង ដែលជាម្ចាស់ផ្សារ និងម្ចាស់អាជីវកម្មទាំងអស់ ដែលបានសហការយ៉ាងល្អជាមួយនឹងអាជ្ញាធរ ដើម្បីកាត់បន្ថយនូវការកកស្ទះចរាចរណ៍។ លោកបន្តថា អាជ្ញាធរសង្ឃឹមយ៉ាងមុតមាំថា អាជីវករ និងប្រជាពលរដ្ឋផ្សេងទៀត នឹងសហការយ៉ាងល្អជាមួយអាជ្ញាធរ។

ការពោលអរគុណពីសំណាក់អាជ្ញាធរខណ្ឌទួលគោក លោកប៉ាង លីដា បន្ទាប់ពីបានឃើញតាមបណ្តោយផ្លូវលេខ២៧១ ចំណុចផ្សារហេងលី ក្នុងសង្កាត់ទឹកល្អក់៣ បានល្អប្រសើរឡើងកាលព្រឹកថ្ងៃ២២ ខែឧសភា ឆ្នាំ២០១៦ ដោយបងប្អូនចូលរួមសហការស្ម័ក្រចិត្តរុះរើរដោយខ្លួនឯងថយទៅក្រោយបាន៣ម៉ែត្រ បន្ទាប់ពីលោកប៉ាង លីដា អភិបាលរងខណ្ឌ បានដឹកនាំក្រុមការងារចុះ អនុវត្តន៏វិធានការក្តៅកន្លងមក នឹងលោកអភិបាលរងខណ្ឌរូបនេះ បានប្រាប់TNN ថា ការរំដោះចិញ្ចើមផ្លូវសាធារណ:ជារឿងសំខាន់ បើទោះបីជាមានអ្នកនៅពីក្រោយខ្នងធំក៏ដោយ។

 

គួររំលឹកថា លោក ប៉ាង លីដា អភិបាលរងខណ្ឌទួលគោក កាលព្រឹកម៉ោង៨និង៣០នាទី ថ្ងៃទី១៧ ខែឧសភា ឆ្នាំ២០១៦កន្លងទៅ បានដឹកនាំកម្លាំងសន្តិសុខសណ្តាប់ធ្នាប់ខណ្ឌចុះ ពិនិត្យ និងរំដោះចិញ្ចើមផ្លូវសាធារណ:ចាប់ផ្តើមពីផ្លូវ២៧១ សង្កាត់ទឹកល្អក់៣ ចំណុចផ្សារហេងលី ដែលអាជីវករលក់ដូរគ្រឿងបន្លាស់ម៉ូតូសង់រោងតូបរាំងស្ន្ទះចិញ្ចើមផ្លូវសម្រាប់អ្នកថ្មើរជើង ស្ទើរស្ទះជាប្រចាំ និងជាហេតុធ្វើអោយបាត់សោភ័ណភាពទីក្រុងភ្នំពេញផងដែរ។

នៅក្នុងការចុះអនុវត្តន៏វិធានការក្តៅនោះផងដែរ អភិ បាល រងខណ្ឌទួលគោក លោកប៉ាង លីដា បានអោយបណ្តាញ ព័ត៌មានTNNដឹងផងដែរថា បើទោះបីជាមានការណែរនាំជូនលិខិតជាច្រើនលើកច្រើនសារយ៉ាងណាក្តី អាជីវករទាំងនោះហាក់ពុំបានចូលរួមនិងសេចក្តីណែរនាំចូលរួមកាត់បន្ថយការស្ទះជាប្រចាំថ្ងៃដោយសារតែការដាក់តាំងលក់លើចិញ្ចើមផ្លូវសាធារណ:នៅតាមដងផ្លូវរបស់ពួគគាត់នោះឡើយ។

ប៉ុន្តែអ្វីដែលប្លែកនាព្រឹកនេះពួកគាត់បានចូលរួមសហការថយមកក្រោយដោយខ្លួនឯង ជាហេតុធ្វើអោយមានសោភ័ណភាពនៅតាមដងផ្លូវ កាត់បន្ថយការកកស្ទះ៕

IMG-20160522-WA0086 IMG-20160522-WA0084 IMG-20160522-WA0083 IMG-20160522-WA0082 IMG-20160522-WA0081 IMG-20160522-WA0079

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ

error: Content is protected !!