ព្រឹតិ្តការណ៍ថ្មីៗ

អាវុធហត្ថក្រុងប៉ៃលិនបង្ក្រាបករណីគ្រឿងញៀនឃាត់ខ្លួនជនសង្ស័យម្នាក់ រួមវត្ថុតាងសារធាតុញៀន០៩កញ្ចប់

1 ឆ្នាំ មុន 0 វិជ្ជា ស្លាប់រស់ជារឿងធម្មតា​

ប៉ៃលិន៖ កម្លាំងកងរាជអាវុធហត្ថក្រុងប៉ៃលិន សហការជាមួយកម្លាំងកងរាជអាវុធហត្ថខេត្ត បានធ្វើការចុះបង្រ្កាបករណី ជួញ​ដូរ​គ្រឿងញៀនមួយកន្លែង ដោយឃាត់ខ្លួនជនសង្ស័យម្នាក់រួមនឹងវត្ថតាងម្សៅក្រាមពណ៌ស(ម៉ាទឹកកក) ០៩កញ្ចប់តូច ,យ៉ា​ម៉ា​ព៌ណផ្កាឈូក០១គ្រាប់ និងសម្ភារះប្រើប្រាស់មួយចំនួនផងដែរ ។ ហេតុការណ៏ចុះបង្រ្កាបករណីខាងលើ បានកើតឡើងកា​ល​ពីវេលាម៉ោង៣និង៣០នាទីរសៀលថ្ងៃទី១០ ខែមករា ឆ្នាំ២០១៧ នៅចំណុចក្រោយសាលាបឋមសិក្សាប៉ាហ៊ី ក្នុងភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន ។

លោកវសេនីយ៏ត្រី ប្រាក់ សុធា អនុប្រធានមន្ទីរយុត្តិធម៌ កងរាជអាវុធហត្ថខេត្ត បានឲ្យដឹងថា៖ក្នុងការណ៏ចុះបង្រ្កាបនេះគឺយើងបានសហការជាមួយកម្លាំង អ.ហ ក្រុងប៉ៃលិនដែលមានគ្នាចំនួន ០៥នាក់ ព្រមទាំងអាវុធ AK បត់០១ ដើម រថយន្តសេរ៉ែន​០១​គ្រឿង  ចំណែកកម្លាំង អ.ហ ខេត្តមានគ្នាចំនួន០៤នាក់ផងដែរ ។

លោកបានឲ្យដឹងដែរថា៖ជនសង្ស័យមានឈ្មោះ តាំ ទៀង ភេទប្រុស អាយុ៤០ឆ្នាំ មុខរបរមិនពិតប្រាកដ មានស្រុកកំណើតនៅភូមិថ្មី ឃុំថ្មី ស្រុកអូររាំងឪ ខេត្តកំពង់ចាម ដោយស្នាក់នៅផ្ទះជួលក្នុងភូមិកើតហេតុខាងលើ ។ លោកបន្តទៀតថា៖ ក្នុងការចុះបង្រ្កាបករណីនេះដែរ កម្លាំងយើងបានរិបអួសនូវវត្ថុតាងសារធាតុញៀនមួយចំនួនដូចជា ម្សៅក្រាមពណ៌ស(ម៉ាទឹកកក) ០៩​កញ្ចប់តូច ,យ៉ាម៉ាព៌ណផ្កាឈូក០១គ្រាប់ ព្រមទាំងលុយខ្មែរចំនួន៣០០០០រៀល,ទូរសព័្ទដៃ០១គ្រឿងម៉ាកNOKEA N ចុចពិល, ម៉ូតូ០១គ្រឿងម៉ាកសង់ចិនRAMBO ពណ៍ខ្មៅ អត់ស្លាកលេខ និងសម្ភារប្រើប្រាសមួយចំនួនធំ ។ លោកបានបន្តថាជនសង្ស័យខាងលើ គឺសមត្ថកិច្ចអាវុធហត្ថបានតាមដានជាយូមកហើយ ប៉ុន្តែមិនមានវត្ថុតាង ទើបតែពេលម៉ោងកើតហេតុ បានប្រទះឃើញជនសង្ស័យកំពុងតែប្រព្រិត្តបទល្មើស ក៏ឃាត់ខ្លួនតែម្តង ។ បច្ចុប្បន្នជនសង្ស័យនិងវត្ថុតាង ត្រូវបានសមត្ថកិច្ចជំនាញអាវុធហត្ថ បញ្ជូនទៅទីបញ្ជាការកងរាជអាវុធហត្ថខេត្តប៉ៃលិន  ដើម្បីចាត់ការទៅតាមនីតិវិធីច្បាប់ ៕ ញ៉ឹប បូរី ប៉ៃលិន

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ