ព្រឹតិ្តការណ៍ថ្មីៗ

លោកយាយវ័យ៧៥ឆ្នាំ ត្រូវយុវសិស្សឈាមរាវបើកម៉ូតូដូចហោះបុកពីក្រោយរបួសបាក់ក ដៃ(វីដេអូ)

1 ឆ្នាំ មុន 2 តូ សុផល

ភ្នំពេញ៖ លោកយាយវ័យ៧៥ឆ្នាំម្នាក់រងរបួសធ្ងន់បាក់ កដៃ ក្រោយយុវសិស្សម្នាក់បើកបរខ្វះការប្រុងប្រយ័ត្នក្នុងល្បឿន​លឿន​បុក​កង់​ និងម៉ូតូ២គ្រឿងបណ្តាលដួលពេញផ្លូវ។

ហេតុការណ៍នេះបានកើតឡើងកាលពីវេលាម៉ោង៤និង៥០នាទីល្ងាចថ្ងៃទី១១ខែមករាឆ្នាំ២០១៧នៅចំណុចមុខការ៉ាស់សាំង យីហោ លឹមឡុង តាមបណ្តោយផ្លូវភ្នំពេញហាណូយ សង្កាត់ភ្នំពេញថ្មី ខណ្ឌសែនសុខ។

លោកយាយារងគ្រោះមានឈ្មោះ ប្រាក គាន អាយុ៧៥ឆ្នាំ ស្នាក់នៅភូមិឧញ្ញាវាំង សង្កាត់ភ្នំពេញថ្មីខណ្ឌសែនសុខរងរបួសបាក់ដៃខាងឆ្វេងទី២ឈ្មោះ យូ រិទ្ធី ភេទប្រុសអាយុ៤២ឆ្នាំមុខរបរជាងជុសជុលរថយន្តស្នាក់នៅសង្កាត់គ្រាំងធ្នង់ខណ្ឌសែនសុខ រងរបួសស្រាល។ ចំណែកយុវសិស្សខាងបង្ករមានឈ្មោះ យ៉ាត ផាត់យុទ្ធ ភេទប្រុសអាយុ២០ឆ្នាំ ស្នាក់នៅផ្ទះជួល ភូមិពោងពាយ សង្កាត់ភ្នំពេញថ្មី ខណ្ឌ សែនសុខ។

ប្រភពពីកន្លែងកើតហេតុបានអោយដឹងថាមុនពេលកើតហេតុគេឃើញលោកយាយរងគ្រោះខាងលើបានជិះកង់១គ្រឿងក្នុងទិសដៅ ពីជើងទៅត្បូងលុះមកដល់ចំណុចកើតហេតុគាត់បានលើកដៃខាងឆ្វេងជាសញ្ញាដើម្បីឆ្លងផ្លូវពេលនោះស្រាប់តែឃើញយុវសិស្សម្នាក់បានជិះម៉ូតូ១គ្រឿងម៉ាកហុងដាសេ១២៥ព័ណខ្មៅពាក់ស្លាកលេខកំពង់ធំ 1E-7569យ៉ាងលឿនក្នុងទិសដៅពីជើងទៅត្បូងដូចគ្នាហើយចាប់ហ្វាំងមិនទាន់ក៍ជ្រុលទៅបុកកង់លោកយាយបណ្តាលអោយដួលរងបួសបាក់ដៃហើយម៉ូតូមិនទាន់អស់ល្បឿនក៍ជ្រុលទៅបុកនិងម៉ូតូសង់កូរ៉េ១គ្រឿងព័ណក្រហមពាក់ស្លាកលេខជ៨៥៣៦ភព១ បន្ថែមទៀតបណ្តាលអោយបុរស់នោះរងរបួសស្រាលថែមទៀត។
ក្រោយមកក៍មានប្រជាពលរដ្ឋបាននាំគ្នាជួយហៅម៉ូតូកង់បីដឹកលោកយាយារងគ្រោះទៅព្យាបាលនៅមន្ទីពេទ្យព្រះកុសុមះ(ពេទ្យលោកសង្ឃ)ចំណែកម៉ូតូទាំង២គ្រឿងនិងកង់ត្រូវសមត្ថកិច្ចយកទៅរក្សារទុកនៅអធិការដ្ឋាននគរបាលខណ្ឌសែនសុខដើម្បីដោះស្រាយនៅពេលក្រោយ៕

}

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ