ព្រឹតិ្តការណ៍ថ្មីៗ

ប្រជាពលរដ្ឋ១៧គ្រួសារសុំអន្តរាគមន៍ពីសម្តេចតេជោរកយុត្តធមិ៍ពីសមាគមន៍ជនពិការអភិវឌ្ឍន៍ សន្សំប្រាក់បានឆបោកលុយរបស់ពួកគាត់ជាង១២ម៉ឺនដុល្លារ

1 ឆ្នាំ មុន 0 តូ សុផល

ខេត្តកំពុងចាម៖ប្រជាពលរដ្ឋរស់នៅភូមិចំបក់ ឃុំសំពោងជ័យ ស្រុកជើងព្រៃ ខេត្តកំពុងចាម ចំនួន១៧គ្រួសុំអន្តរាគមន៍ពីសម្តេចតេហ៊ុន សែននិងលោកជំទាវកត្តិព្រឹត្តបណ្ឌិតប៊ុនរ៉ានីហ៊ុនសែន ឱ្យជួយរកយុត្តិធមិ៍ជួនពួកគាត់ ដោយចោទប្រកាន់ថា សមាគមន៍ជនពិការអភិវឌ្ឍន៍សន្សំប្រាក់ បានឆបោកលុយរបស់ពួកគាត់ជាង១២ម៉ឺនដុល្លា(ដប់ពីម៉ឺនដុ្មល្លា)។លោកសាម ថាដំណាងប្រជាពលរដ្ឋទាំង១៧គ្រួសាបានប្រាប់ឱ្យដឹងថា៖សមាគមន៍ជនពិការអភិវឌ្ឍន៍សន្សំប្រាក់ដែលមានឈ្មោះយ៉ាន យ៉ឺកជាប្រធានស្នាក់ការកណ្តាល ដែលមានទីតាំនៅភូមិចាន់ ឃុំតាំងក្រសាំង ស្រុកបាធាយ ខេត្តកំពុងចាម និងបានសម្រេចប្រគល់សិទ្ធ សមាគមន៍ជនពិការអភិវឌ្ឍន៍សន្សំប្រាក់សាខាខេត្តកំពុងចាមទៅឱ្យឈ្មោះលុយ សុជាតិជាប្រធាន ឈ្មោះហេងហ៊ាន់អនុប្រធានទី១ លោកសេក សាវ៉ាតប្រធាននគណនីសមាគមន៍ជនពិការ និងបានបង្កើតសាខានេះនៅថ្ងៃទី២៨ខែតុលាឆ្នាំ២០១៤ ស្ថិតនៅក្នុងភូមិចំបក់ ឃុំសំពោងជ័យ ស្រុកជើងព្រៃ ខេត្តកំពុងចាម។
លោកបានបន្តឱ្យដឹងទៀតថាបន្ទាប់ពីសមាគមន៍នេះបានបង្កើតឡើង ឈ្មោះសេក សាវ៉ាតជាប្រធានគណនី រួមនិងប្រធាន អនុប្រធានសមាគមន៍នេះ បានឱ្យប្រជាពលរដ្ឋនៅក្នុងភូមិដាក់ប្រាក់សន្សំ និងទទួលបានការប្រាក់ចំនួន៣%។លោបន្តថាប្រជាពលរដ្ឋនៅក្នុងភូមិដោយគិតថាបានការប្រាក់ មួយចំនួនបានយកប្លង់ស្រែ ប្លង់ផ្ទះ ទៅដាក់ធនាគារដើម្បីយកលុយទៅដាក់សមាគមន៍នេះបានការលើសចំណេញបានខ្លះ និងខ្លះទៀតប្រមូលលុយដែលមានតិចតួច យកទៅដាក់ដើម្បីទទួលបានការប្រាក់ តែលិតផលចុងក្រោយ ខ្លះបានការប្រាក់តិចតួច ខ្លះទៀតមិនបាន រហូតមកដល់ពេលនេះ ត្រូវបានសមាគមន៍នេះ ឆបោកទាំងអស់ដែលមានខ្លះអស់ជាង៣ម៉ឺនដុល្លា និងខ្លះទៀត១ម៉ឺនដុល្លាខ្លះ៥ពាន់ដុល្លាខ្លះ២ពាន់ដុល្លា ខ្លះ១០លាន់រៀលសារ៉ុបទាំង១៧គ្រួសារទាំងលុយដុល្លានិងលុយខ្មែរ ជាង១២ម៉ឺនដុល្លា ហើយផ្ទះដែលជាទីស្នាក់នោះបានទំលាក់ស្លាកចោលដាក់លក់ឥវ៉ាន់ទៅវិញ។
លោកម៉េង ធី ក៏ជាអ្នកដំណាងប្រជាពលរដ្ឋ១៧គ្រួសារនេះដែរលោកបានបញ្ចាក់ថានៅក្នុងលិខិតទទួលប្រាក់របស់ប្រជាពលរដ្ឋមាន១ឈ្មោះសេក សាវ៉ាតប្រធានគណនី ២ឈ្មោះលុយ សុជាតិ ប្រធាន ៣ឈ្មោះហេងហ៊ាន់អនុប្រធាននិងមានឈ្មោះតេង សាំងឈ្មោះប្រាជ្ញ ពៅ ជាក្រុមការងាររបស់សមាគមន៍នេះ ជាអ្នកទទួលប្រាក់ពីប្រជាពលរដ្ឋទាំង១៧គ្រួសារ ព្រមទាំងបានផ្តិតមេដៃទទួលស្គាល់ និងមានលិខិតបញ្ចាក់បោះត្រាពីលោកម៉ៅ គង់ មេឃុំសំពោងជ័យផងដែរ។
លោកធីបានបន្តថារហូតមកដល់ពេលនេះ ទោះជាប្រធាន អនុប្រធាន ប្រធានគណនី បានផ្តិតមេដៃនិងមានលិខិតបោះត្រាបញ្ជាក់ពីមេឃុំ ថាបានទទួលលុយពីប្រជាពលរដ្ឋក៏ដោយ ពួកគេហាក់បីមិនទទួលខុសត្រូវព្រមទាំងធ្វើការបដិសេដ្ឋថា មិនបានទទួលប្រាក់ពីប្រជាពលរដ្ឋទាំង១៧គ្រួសារនោះទេ ហើយថែមទាំងថាទៅប្តឹងណាក៏ប្តឹងទៅ។
លោកថាបន្ទាប់ក្រុមសមាគមន៍ថាឱ្យទៅប្តឹងណាក៏ទៅប្តឹងទៅ ពួកគាត់ទាំង១៧គ្រួសារបានដាក់ពាក្យបណ្តឹងទៅកាន់សាលាដំបូងខេត្តកំពុងចាម អស់រយៈជាង២ខែហើយ នៅមិនទាន់បានចាប់ខ្លួនជនឆបោកនោះនៅឡើយ។បានឮថាត្រឹមតែហៅសាកសួរឱ្យត្រឡប់មកផ្ទះវិញតែប៉ុណ្ណោះ។
ប្រជាពលរដ្ឋទាំង១៧គ្រួសារងគ្រោះដោយការឆបោក របស់សមាគមន៍សន្សំប្រាក់សុំសំណូមពរដល់សម្តេចតេជោហ៊ុន សែន និងលោកជំទាវកត្តិព្រឹត្តបណ្ឌិតប៊ុនរ៉ានីហ៊ុនសែន ជួយអន្តរាគមន៍ រកយុត្តធមិ៍ឱ្យពូកគាត់ផង ព្រោះពួកគាត់ពេលនេះកំពុងជួបទុកលំបាករកប្រាក់បង់ឱ្យធនាគារ បើគ្មានប្រាក់នោះទេពួកគាត់ប្រឈម និងការរឹបអូសដីស្រែផ្ទះសម្បែងរបស់ពួកគាត់ហើយ។
ពាក់ព័ន្ធក្នុងករណីខាងលើនេះ អ្នកយកព័ត៍មានយើង មិនអាចស្វែងរកការទំនាក់ទំនងទៅប្រធានសមាគន៍ រួមនិងអ្នកពាក់ព័ន្ធក្នុងរឿងនេះបានទេ៕

}

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ