ព្រឹតិ្តការណ៍ថ្មីៗ

ស្នងការដ្ឋាននគរបាលខេត្តកំពត បានប្រារព្ធបើកកម្មវិធីប្រកួតប្រដាល់ក្បាច់គុនបុរាណខ្មែរ ក្នុងគោលបំណងដើម្បីលើកកម្ពស់ ពង្រឹងសមត្ថភាពកីឡាករវ័យក្មេងថ្នាក់ខេត្ត

1 ឆ្នាំ មុន 1 តូ សុផល

ក្រុងកំពត​ :​ នៅថ្ងៃទី ០៧​ ខែមករា ឆ្នាំ២០១៧ វេលាម៉ោង ១៩:០០នាទី នាបរិវេណរង្វង់មូលទុរេន ស្នងការដ្ឋាននគរបាលខេត្តកំពត បានប្រារព្ធបើកកម្មវិធីប្រកួតប្រដាល់ក្បាច់គុនបុរាណខ្មែរ ក្នុងគោលបំណងដើម្បីលើកកម្ពស់ ពង្រឹងសមត្ថភាពកីឡាករវ័យក្មេងថ្នាក់ខេត្ត និងមូលដ្ឋានឲ្យមានកម្រិតល្អឈានទៅប្រកួតប្រជែងថ្នាក់ជាតិ ព្រមទាំងកសាងពង្រីកបានធនធានកីឡាករថ្នាក់ខេត្ត ឲ្យកាន់តែសម្បូរបែប ចូលរួមលើកតម្កើងវិស័យកីឡាជាតិ ។

កម្មវិធីនេះប្រារព្ធឡើងក្រោមអធិបតីភាពដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក តែម ម៉ឺន អគ្គលេខាធិការរង នៃគណៈកម្មាធិការជាតិអូឡាំពិកកម្ពុជា និងជាប្រធានសហព័ន្ធកីឡាប្រដាល់កម្ពុជា ឯកឧត្តម ឧត្តមសេនីយ៍ទោ វ៉ា ស៊ិនភារម្យ អនុប្រធានទី១ សហព័ន្ធកីឡាប្រដាល់កម្ពុជា ឯកឧត្តម ចាន់ ចេស្តា អភិបាល នៃគណៈអភិបាលខេត្តកំពត លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត លោក យឺន ពន្លក អនុប្រធានសមាគមកីឡាប្រដាល់ក្រសួងមហាផ្ទៃ តំណាង ឯកឧត្តម ឧត្តមសេនីយ៍ឯក ម៉ក់ សំអុល ព្រមទាំងឯកឧត្តម លោកជំទាវ អស់លោក-លោកស្រី និងបងប្អូនប្រជាពលរដ្ឋសរុបប្រមាណជាង ១.០០០នាក់ ។ ជាលទ្ធផលនៃកម្មវិធីប្រកួតក្លឹបស្នងការដ្ឋាននគរបាលខេត្តកំពត បានទទួលជ័យជំនះចំនួន ០៤គូ ស្មើ ០១គូ និងចាញ់ ០១គូ ។

កម្មវិធីបានបញ្ចប់នៅវេលាម៉ោង ២២ៈ០០នាទី ក្រោមបរិយាកាសសាមគ្គីភាព ភាពសប្បាយរីករាយក្រៃលែង និងមានការគាំទ្រយ៉ាងពេញទំហឹងពីសំណាក់ប្រជាពលរដ្ឋរបស់ខេត្តយើង ។

}

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ