ព្រឹតិ្តការណ៍ថ្មីៗ

TACOMAពាក់ស្លាកលេខរដ្ឋបើកបុកម៉ូតូ១គ្រឿង បណ្តាលឲ្យមនុស្ស២នាក់រងរបួសធ្ងន់ធ្ងរ ហើយរថយន្តបង្កបានបើករត់គេចបាត់

1 ឆ្នាំ មុន 4 តូ សុផល

កំពង់ចាម៖  បុរស២នាក់ត្រូវរងរបួសធ្ងន់ធ្ងរ ក្នុងនោះម្នាក់ត្រូវបាក់ជើងខ្ទេចអស់ម្ខាង ដោយឧបទ្ទវហេតុគ្រោះថ្នាក់ចរាចរណ៍មួយ បង្កឡើងដោយរថយន្តTACOMAមួយគ្រឿង បើកបុកជាមួយម៉ូតូ កាលពីវេលាម៉ោង៤និង១០នាទីល្ងាច ថ្ងៃទី៥ ខែមករា ឆ្នាំ២០១៧ នៅចំណុចភ្លើងស្តុបក្បែររបងតុលាការ ក្នុងក្រុងកំពង់ចាម។សមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍នេះ គឺបង្កឡើងដោយរថយន្តTACOMAពណ៌ស ពាក់ស្លាកលេខរដ្ឋ បើកបរពីត្បូងទៅជើង ខណៈដល់ចំណុចភ្លើងស្តុប ក៏បានបុកជាមួយម៉ូតូ១គ្រឿង ម៉ាកហុងដាឌ្រីម ពាក់ស្លាកលេខកំពង់ចាម1M-0483 បើកបរពីលិចទៅកើត បណ្តាលឲ្យអ្នកបើកបរម៉ូតូ ឈ្មោះព្រុំ ចិត្តភេទប្រស អាយុ៤៣ឆ្នាំ មុខរបរជាជាងសំណង់ និងរត់ម៉ូតូឌុប នៅភូមិទី១ សង្កាត់បឹងកុក ក្រុងកំពង់ចាម រងរបួសបាក់ជើងខ្ទេចម្ខាង និងអ្នករួមដំណើរឈ្មោះ ភ័ក្តិ ភេទប្រស អាយុ៤៥ឆ្នាំ មុខរបរជាជាងរថយន្ត នៅភូមិជាមួយគ្នា រងរបួសធ្ងន់ធ្ងរផងដែរ ហើយអ្នកបើកបររថយន្តបង្កបានបើករត់គេចពីកន្លែងកើតហេតុបាត់តែម្ដង។

ក្រោយពីកើតហេតុសមត្ថកិច្ចបានបញ្ជូនជនរងគ្រោះទៅកាន់មន្ទីរពេទ្យ ហើយបន្តតាមស្វែងរករថយន្តបង្កហេតុ ដើម្បីឲ្យចូលខ្លួនដោះស្រាយនៅចំពោះមុខច្បាប់ផងដែរ ៕ ដោយ៖ កុល ផារ៉ុង

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ