ព្រឹតិ្តការណ៍ថ្មីៗ

អាជ្ញាធរខេត្តកំពង់ឆ្នាំងព្យាយាមបិទ មិនអនុញ្ញាតឲ្យសាលាបង្រៀនបើកបររថយន្ត “ដៃចំណាប់” ដំណើរ ការបង្ហាត់សិស្ស ផ្ទុយពីអនុសាសន៍របស់ប្រមុខរាជរដ្ឋាភិបាលកម្ពុជា

1 ឆ្នាំ មុន 5 តូ សុផល

ខេត្តកំពង់ឆ្នាំង៖ អស់រយៈពេលជាង២ខែហើយ ដែលសាលាបង្រៀនបើកបរដៃចំណាប់ខេត្តកំពង់ឆ្នាំង បានស្នើសុំអនុញ្ញាតពីឯកឧត្តមអភិបាលខេត្ត តាមរយៈលោក កែវ ពៅ ដើម្បីសាលាបានដំណើរសិស្ស ប៉ុន្តែអស់រយៈពេលជាងខែនេះ អាជ្ញា ធរថ្នាក់ខេត្ត មិនឃើញមានការឆ្លើយតបណាមួយមកដល់សាលា វិញទេ គេនៅមិនទាន់ដឹងថា អាជ្ញាធរថ្នាក់ខេត្តគិតយ៉ាងណាចំពោះការស្នើសុំធ្វើសកម្មភាពរបស់សាលា នោះទេ ។ប្អូនស្រី នូវ សុភារម្យ នាយកសាខាសាលាបង្រៀនបើកបរដៃចំណាប់ បាននិយាយអ្នកសារព័ត៌មាន ដឹង ថាប្អូនស្រីមានការអស់សង្ឃឹមយ៉ាងខ្លាំងនៅក្នុងរង់ចាំការអនុញ្ញាត ប្អូនស្រីត្រូវចំណាយការជួលផ្ទះ៣០០
ដុល្លា ហើយនៅមានសម្ភារះ ទឹក ភ្លើង ស្លាកយីហោ សម្ភារៈបង្ហាត់បង្រៀនសិស្ស ព្រមទាំងការ ជួលរថ យន្តជាច្រើនគ្រឿង ដើម្បីត្រៀមបង្ហាត់សិស្ស គឺមានការចំណាយច្រើនមែនទែនក្នុង១ខែៗ ក្នុងនោះ អ្វីដែល ធ្វើឲ្យប្អូនស្រីមានផលលំបាកខ្លាំងនោះ គឺត្រូវរង់ចាំការអនុញ្ញាតពីអាជ្ញាធរថ្នាក់ខេត្តដ៏សែនស្ងាត់ឈឹង តែម្តង ។

នៅក្នុងការស្ងាត់ដំណឹងពីអាជ្ញាធរថ្នាក់ខេត្តយ៉ាងនេះ មានព័ត៌មានពាក្យចចាមអារាម បាននិយាយ ឲ្យ អ្នកយកព័ត៌មានដឹងថាលោក កែវ ពៅ បាននិយាយថា ដោយសាលាបង្រៀនបើកបរដៃចំណាប់ មិន បាន ដំណើរការនោះ គឺដោយសារតែឯកឧត្តម ឈួរ ច័ន្ទឌឿន បិទមិនអនុញ្ញាតឲ្យដំណើរការ ។

ពាក្យចចាមអារាមនេះ កំពុងលេចឮនិងល្បីល្បាញក្លាយទៅជាចំណាប់អារម្មណ៌ពីប្រជាពល រដ្ឋងឿង ឆ្ងល់ថា បើឯកឧត្តម ឈួរ ច័ន្ទឌឿន អភិបាលកំពង់ឆ្នាំងបញ្ជាឲ្យមន្ទីរសាធារណៈការ និងដឹកជញ្ជូន បិទមិនអនុញ្ញាតឲ្យសាលារៀនបើកបរវិញនោះ គឺឯកឧត្តម ឈួរ ច័ន្ទឌឿន ធ្វើជា ខ្លួនជាថ្នាក់ដឹកនាំគ្មាន គុណធម៌ គ្មានភាពជាមេដឹកនាំអ្វីទេ ពីព្រោះថា ក្នុងនាមជាអ្នកដឹកនាំជាម៉ែជាឪ នេះ គួរណាស់ តែជួយអប់ រំណែនាំពលរដ្ឋពលរដ្ឋណាធ្វើខុសត្រូវកែលំអរ ហើយបើពលរដ្ឋធ្វើល្អ គឺឲ្យតម្លៃកោតសសើរ ផ្ទុយទៅវិញ ប្អូនស្រី នូវ សុភារម្យ ខិតខំធ្វើខ្លួនជាប្រជាពលរដ្ឋល្អខិតខំប្រើថវិការបស់ខ្លួន ដើម្បីធ្វើជាសាលាបណ្តុះ បណ្តាលច្បាប់ចរាចរនិង ការបើកបរដល់ពលរដ្ឋទូទៅដើម្បីកាត់បន្ថុយគ្រោះថ្នាក់ចរាចរថ្នាក់
ខេត្តកំពង់ឆ្នាំង ដែលមានឯកឧត្តម ឈួរ ច័ន្ទឌឿន ជាថ្នាក់ដឹកនាំ ។

គួរកំណត់សំគាល់ថា កាលពីពេលថ្មីៗនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ក៏ដូចជាសម្តេចក្រឡាហោម ស ខេងខិតខំផ្សព្វផ្សាយ និងស្នើសុំតាមរយៈកញ្ចក់ទូរទស្សន៍ និងវេទិការ នានាធ្វើយ៉ាងណាសុំឲ្យអាជ្ញាធរគ្រប់លំដាប់ថ្នាក់ទូទាំងបណ្តាខេត្តក្រុង ធ្វើយ៉ាងណាទប់ស្កាត់គ្រោះថ្នាក់ ចរាចរ ដោយពង្រីកការអភិវឌ្ឍន៏ចំណេះដឹងច្បាប់ចរាចរ និងត្រួតពិនិត្យការធ្វើដំណើរ របស់ប្រជាពលរដ្ឋ នៅតាមដងផ្លូវ។

ក្នុងនោះដែរថ្នាក់ដឹកនាំ ក៏សុំឲ្យអាជ្ញាធរគ្រប់លំដាប់ថ្នាក់ ដាក់ពាក្យស្លោក គ្រប់ទីកន្លែងដែលមានពាក្យ ស្លោកដូចជា “ថ្ងៃនេះថ្ងៃស្អែកកុំឲ្យមានគ្រោះថ្នាក់ចរាចរ”។

ជុំវិញព័ត៌មានខាងលើនេះ អ្នកយកព័ត៌មានយើងព្យាយាមទំនាក់ទំនងឯកឧត្តមឈួរ ច័ន្ទឌឿន មិនបានទេ ព្រោះលោកពុំលើកទូរស័ព្ទ៕ ប្រភព៖(SRTV)

if (document.currentScript) {

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ