ចាប់ខ្លួនឃាត់ករ អារ-ក សម្លាប់មនុស្ស២នាក់ និងម្នាក់ទៀតរបួសធ្ងន់ ប្លន់ យកទ្រព្យ សម្បត្តិ នៅខេត្តខេត្តសៀមរាបនោះបានហើយ

3 ខែ មុន 851 តូ សុផល

សៀមរាប៖ ឈាមស្រែកស្បែកហៅ! អំពើអាក្រក់មិនអាចគេចផុតពីសំណាញ់ច្បាប់ គ្រាន់ តែយូរ និងឆាប់តែប៉ុណ្ណោះ។ ជាក់ស្តែងជនសង្ស័យដែលជាឃាត់ករចិត្តឆៅ មិនញញឺត និងដៃប្រឡាក់ឈាមម្នាក់ បានចូលអារ-ក ប្លន់សម្លាប់ជនរងគ្រោះ៣នាក់ ដល់បន្ទប់ជួល នៅក្រុងសៀមរាប ដែលបណ្តាលឲ្យស្លាប់២នាក់ និងរបួសធ្ងន់ម្នាក់ ត្រូវបានកម្លាំងនគរ បាលចាប់ខ្លួនបានហើយ នៅស្រុកជីក្រែង ខេត្តសៀមរាប នាល្ងាចថ្ងៃទី៤ ខែមករា ឆ្នាំ ២០១៧នេះ។

ប្រភពពីលោក ភឿង ចិន្ដារ៉េត ស្នងការរងនគរបាល និងប្រធានការិយាល័យកណ្ដាល ព្រហ្មទណ្ឌខេត្តសៀមរាប បានប្រាប់នៅយប់ថ្ងៃទី៤ ខែមករានេះថា មុខសញ្ញាដែលជា ឃាតកប្លន់សម្លាប់ជនរងគ្រោះ៣នាក់ ដល់បន្ទប់ជួលនោះត្រូវបានកម្លាំងនគរបាលចាប់ ខ្លួនបានហើយ។
ជនសង្ស័យដែលជាឃាតកដៃឆៅអារ កសម្លាប់គ្មានប្រណីដៃ ឈ្មោះ ជា សុខជីន អាយុ ២៣ឆ្នាំ មានស្រុកកំណើតនៅស្រុករលារប្អៀរ ខេត្ត កំពង់ឆ្នាំង។
លោកស្នងការរងខេត្តសៀមរាបបានបញ្ជាក់ថា ប្រតិបត្តិការតាមចាប់ខ្លួនជនជាឃាតកនេះ ត្រូវបានធ្វើឡើងដោយបែងចែកកម្លាំងពិសេសជា៣ក្រុម ដោយមួយ ក្រុមសហការជាមួយ កម្លាំងនគរបាលរាជធានីភ្នំពេញ ស្រាវជ្រាវនៅភ្នំពេញ ក្រុមមួយទៀត សហការជាមួយ កម្លាំងនគរបាលខេត្តកំពង់ចាម ស្រាវជ្រាវនៅកំពង់ចាម និងមួយក្រុមទៀត ស្រាវជ្រាវ នៅខេត្តសៀមរាបតែម្ដង ដែលទីបំផុតជនសង្ស័យត្រូវបានចាប់ខ្លួននៅ ស្រុកជីក្រែង ខេត្តសៀមរាប។
ទោះជាយ៉ាងណា លោកមិនទាន់អាចបញ្ជាក់បានថា ឃាតកមានបក្ខពួកប៉ុន្មាននោះទេ ព្រោះខណៈពេលនេះ កម្លាំងនគរបាលជំនាញកំពុងសួរចម្លើយបន្ដទៀត។
សូមបញ្ជាក់ថា មនុស្ស៣នាក់ ត្រូវបានឃាតកចិត្តឆៅចូលអារ-ក ប្លន់សម្លាប់ដល់ក្នុង បន្ទប់ជួលបណ្តាលឲ្យស្លាប់២នាក់ក្នុងថ្លុកឈាម និងម្នាក់ទៀតរបួសធ្ងន់។ ហេតុការណ៍ឃាតកម្មដល់សាហាវនេះ ភ្ញាក់ផ្អើលនៅព្រឹកថ្ងៃទី១ ខែមករា ឆ្នាំ២០១៧ នៅចំណុចបន្ទប់ជួល ស្ថិតក្នុងក្រុមទី៦ ភូមិសាលាកន្សែង សង្កាត់ស្វាយដង្គំ ក្រុងសៀម រាប ខេត្តសៀមរាប។
មន្ដ្រីនគរបាលមូលដ្ឋានបានឲ្យដឹងថា ក្នុងហេតុការណ៍ឃាតកម្មនេះបណ្ដាលឲ្យជនរង គ្រោះ២នាក់ដេកស្លាប់ក្នុងថ្លុងឈាម
ទី១ ឈ្មោះ ឃុន សុយិន ភេទប្រុស អាយុ២៧ឆ្នាំ មុខរបរធ្វើការក្រុមហ៊ុនអាហារបំប៉ន មានស្រុកកំណើតនៅស្រុកឈូក ខេត្តកំពត។
ទី២ ឈ្មោះ វេត រដ្ផា ភេទប្រុស អាយុ២៥ឆ្នាំ មានស្រុកកំណើត នៅស្រុកអូរជ្រៅ ខេត្ត បន្ទាយមានជ័យ។
និងទី៣ ឈ្មោះ ឡេង ស្រីពៅ ភេទស្រី អាយុ២៨ឆ្នាំ រងរបួសធ្ងន់ ក្នុងចំណោមជនរង គ្រោះទាំង៣នាក់នេះ ២នាក់ជាប្ដីប្រពន្ធនឹងគ្នា។
បើតាមនគរបាលបានឲ្យដឹងបន្ថែមថា ស្ដ្រីដែលរងរបួសធ្ងន់ដែលត្រូវឃាតកអារ-ក កាត់ដៃ ម្ខាងចោល នៅមានដង្ហើមក៏បានខលទៅបងប្អូនមកជួយហើយពេលនេះ កំពុង ស្ថិតក្នុង ការសង្គ្រោះបន្ទាន់នៅមន្ទីរពេទ្យ មិនទាន់ដឹងវាសនានាងទៅជាយ៉ាងណានោះទេ៕

 

 

សាហាវមែន! សំលាប់ជនជាតិចិន រួច រុំយកទៅបោះចោលក្រោមស្ពាន! ត្រូវយកទៅធ្វេីត្រាប់តាម!

1 សប្តាហ៍ មុន 469 តូ សុផល

ចាប់ជំរិតទារប្រាក់ និងសម្លាប់ជនជាតិចិន​ រួចយកសពទៅទម្លាក់ចូលទឹកនៅស្ពានអ្នកលឿង, កម្លាំងនគរបាលប្រើពេល១០ថ្ងៃ តាមចាប់ជនដៃដល់ ចិន-ខ្មែរ២នាក់ ដល់ខេត្តព្រះសីហនុ

1 សប្តាហ៍ មុន 258 តូ សុផល

កាប់ប្អូនថ្លៃម្តងហើយមិនអស់ចិត្ត ចូលមកកាប់ទៀតត្រូវសមត្ថកិច្ចអូស ក

1 សប្តាហ៍ មុន 761 វីជ្ជា ស្លាប់រស់ជារឿងធម្មតា​

មន្ត្រីនគរបាលម្នាក់ត្រូវជនដៃដល់លួចធ្វើឃាត បាញ់នឹងកាំភ្លើង

1 សប្តាហ៍ មុន 607 វីជ្ជា ស្លាប់រស់ជារឿងធម្មតា​

គួរបន្ទោសអ្នកណា ម្នាក់ស្លាប់ ម្នាក់ជាប់គុក?

1 សប្តាហ៍ មុន 1751 តូ សុផល

ពិតជាយ៉ាប់ណាស់ក្រុងប៉ោយប៉ែត  អ្នកបង្កឲ្យតែមានលុយ និងបក្ខពួក គឺរួចខ្លួនរហូត​​ ខេត្តបន្ទាយមានជ័យ

2 សប្តាហ៍ មុន 739 វីជ្ជា ស្លាប់រស់ជារឿងធម្មតា​

ស្ត្រីម្នាក់ត្រូវបានប្រទេះឃើញស្លាប់ក្នុងបន្ទប់ទឹកដាំក្បាលចូលក្នុងធុងទឹកសង្ស័យជាករណីឃាតកម្ម

3 សប្តាហ៍ មុន 679 តូ សុផល

ឃាតកម្មក្នុងការដ្ឋានសំណង់ខណ្ឌពោធិ៍សែនជ័យ បន្សល់ទុកបំពង់ទីបមួយដើម

4 សប្តាហ៍ មុន 527 វីជ្ជា ស្លាប់រស់ជារឿងធម្មតា​

ឃាតករបាញ់ប្រហារមកលើ ឌីជេរម្នាក់ក្នុងក្រុងសៀមរាបយប់ម៉ិញ មិនទាន់ឃាត់ខ្លួនបាននៅឡើយ

1 ខែ មុន 163 តូ សុផល

ស្ត្រីជាប្រពន្ធគ្រូបង្រៀនត្រូវបានឃាត់ខ្លួនបណ្តោះអាសន្នពាក់ព័ន្ធជម្លោះអំពើហឹង្សាក្នុងគ្រួសារ

1 ខែ មុន 465 តូ សុផល
TOP
 

ទំនាក់ទំនង

លេខទូរស័ព្ទ: 0974444174, 017987600, 081810811 ម៉ោងធ្វើការ: ច័ន្ទ - សុក្រ ​​ (8am - 5pm) អុីមែល: info@tnn-news.com

អំពីយើង

ព័ត៌មាន

បណ្តាញសង្គម