ព្រឹតិ្តការណ៍ថ្មីៗ

រថយន្តមួយគ្រឿងដឹកភ្ញៀវបរទេស បើកបរក្នុងល្បឿនលឿន បានរេចង្កូតទៅបុកគុម្ពឫស្សី

1 ឆ្នាំ មុន 0 តូ សុផល

សៀមរាប៖តាមប្រភពពត៌មានពីនគរបាលស្រុកបន្ទាយស្រីបានឲ្យដឹងនៅរសៀលថ្ងៃទី០៤ ខែមករា ឆ្នាំ២០១៧នេះថា មានរថយន្ត ០១គ្រឿងម៉ាកកាមរីឆ្លាម ពណ៌ស្លាបក្អែក ពាក់ស្លាកលេខ ក្រុងព្រះសីហុន 2A:1886 បើកបរដោយឈ្មោះ គឹម សុង ភេទប្រុស រស់នៅច្រកជាំស្រងាំ ខេត្តឧត្តរមានជ័យ បានដឹកភ្ញៀវជនជាតិបរទេសចំនួន ០២នាក់ ក្នុងទិសដៅពីជើងទៅត្បូង ដើម្បីដើរលែងកម្សាន្ត លុះមកដល់ចំណុចផ្លូវកែងខាងត្បូងរង្វង់មូលកូនដំរីចំងាយប្រហែល ៣០០ម៉ែត្រ រថយន្តបានរេចង្កូតធ្លាក់ពីលើផ្លូវបណ្ដាលឲ្យបុកគុម្ពឫស្សីទៅមុខលេងរួច ក្នុងហេតុការណ៍នេះដែរមិនបណ្ដាលឲ្យអ្នកណាម្នាក់គ្រោះថ្នាក់ដល់អាយុជីវិតនោះទេ ពួកគាត់រងរបួសស្រាលតែប៉ុណ្ណោះ។
ករណីនេះកើតឡើងកាលពីថ្ងៃទី០៣ ខែមករា ឆ្នាំ២០១៧ ស្ថិតនៅក្នុងភូមិតាកុះ ឃុំព្រះដាក់ ស្រុកបន្ទាយស្រី ខេត្តសៀមរាប។

ប្រភពដ៏ដែលបានបន្តថា ចំពោះភ្ញៀវ និងអ្នកបើកបរ សមត្ថកិច្ចនគរបាលយើងមិនបានធ្វើការឃាត់ខ្លួននោះទេ ដោយភាគីទាំងសងខាងរងរបួសបន្តិចបន្តួច ដោយអ្នកបើកបររថយន្តបង្កបានសន្យានាំពួកគាត់ដើរលែង រហូតចប់កម្មវិធីដែលមាន និងជូនពួកគាត់ទៅដល់ច្រកជាំស្រងាំវិញ ចំពោះរថយន្តត្រូវបានសមត្ថកិច្ចនគរបាលស្រុកបន្ទាយស្រីយកទៅរក្សាទុកនៅអធិការដ្ឋាននគរបាលស្រុកជាបណ្ដោះអាសន្ន ដើម្បីរងចាំម្ចាស់រថយន្តនាំភ្ញៀវដើរលែងចប់កម្មវិធីរួចហើយ ទើបធ្វើកំណត់ហេតុប្រគល់រថយន្តជូនវិញ។

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ