ដល់ថ្ងៃនៃយុទ្ធនាការប្រយុទ្ធប្រឆាំងគ្រឿងញៀនខុសច្បាប់ហើយ!

7 ខែ មុន 147 តូ សុផល

ភ្នំពេញ ៖ រាជរដ្ឋាភិបាលកម្ពុជា ចាប់ពីថ្ងៃទី១ខែមករា ឆ្នាំ២០១៧ ដល់ថ្ងៃទី៣០ ខែមិថុនា ឆ្នាំ២០១៧ ខាងមុខនេះ នឹងបើកយុទ្ធនាការ លើកទី១ប្រយុទ្ធប្រឆាំងគ្រឿងញៀនខុសច្បាប់ដើម្បីម្ចាស់ការការពារ និងលើកកម្ពស់សុខុមាលភាពរបស់ប្រជាពលរដ្ឋប្រឆាំងទប់ស្កាត់ចំពោះមហន្តរាយដែលបណ្តាលមកពីឥទ្ធិពលនៃគ្រឿងញៀនខុសច្បាប់សំដៅរក្សាការពាររឹងមាំនូវខឿនសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម។សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានដឹកនាំយុទ្ធនាការប្រយុទ្ធប្រឆាំងគ្រឿងញៀនខុសច្បាប់ កាលពីព្រឹកថ្ងៃទី២២ ខែធ្នូ ឆ្នាំ២០១៦នេះ បានអញ្ជើញធ្វើជាអធិបតីនៅក្នុងកិច្ចប្រជុំផ្សព្វផ្សាយផែនការប្រយុទ្ធប្រឆាំងគ្រឿងញៀន នៅវិទ្យាស្ថានជាតិអប់រំ។

ឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានមានប្រសាសន៍ថា កម្ពុជារក្សាបានកិត្តិយសល្អថាជាប្រទេសមិន ផលិតគ្រឿងញៀន ឬប្រភពនៃគ្រឿងញៀន ប៉ុន្តែនៅមានសកម្មភាពលួច លាក់ចូលគ្រឿងញៀនពីក្រៅប្រទេសតាមច្រករបៀងព្រំដែនទិសឥ្ឍសានប្រទេស និងតាមជើងយន្តហោះ ជាពិសេសពីទ្វីបអាហ្វ្រិក និងអាមេរិក ខាងត្បូង ក្នុងគោលដៅដើម្បីបន្តនាំចេញទៅប្រទេសទី៣ និងមួយចំនួន ទៀតសម្រាប់ទីផ្សារក្នុងប្រទេស។

ឯកឧត្តមនាយឧត្តមសេនីយ៍អគ្គស្នងការនគរបាលជាតិ បានបន្តថា តាមការកត់សម្គាល់ឃើញថានិន្នាការចរាចរ និងជួញដូរគ្រឿងញៀន មិនមានការថយចុះនោះទេ ជាក់ស្តែងក្នុងឆ្នាំ២០១៦នេះ នគរបាល និងកងរាជអាវុធហត្ថបង្ក្រាបបាន៤.១៩១ករណី (បទល្មើសប្រើប្រាស់១.១១២ករណី), ចាប់ជនសង្ស័យសរុប៩.៨០២នាក់ (អ្នកប្រើប្រាស់គ្រឿងញៀន៣.៦១១នាក់) និងរឹបអូសគ្រឿងញៀនជាង១៧៥គីឡូក្រាម៧៩៦ក្រាម។ កត្តានេះធ្វើឲ្យការប្រើប្រាស់គ្រឿងញៀនមានការកើនឡើង និងមានការរីករាលដាលគួរឲ្យព្រួយបារម្ភពីទីក្រុងរហូតដល់ជនបទតំបន់ដាច់ស្រយាលមួយចំនួន (តាមតួលេខនៃការធ្វើសម្រង់អ្នកញៀនគ្រឿងញៀនមានចំនួន១៨.៥៥៤នាក់ កើនឡើង៤.២៤២នាក់ ស្មើនឹង២៩,៦៣ភាគរយ ធៀបនឹងពេលមុន)។

សម្តេចក្រឡាហោម ស ខេង បានមានប្រសាសន៍ថា ទាក់ទងនឹងការបើកយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១ ដែលកំណត់រយៈពេល៦ខែចាប់ផ្តើមពីថ្ងៃទី១ខែមករា ដល់ថ្ងៃទី៣០ ខែមិថុនា ឆ្នាំ២០១៧ ខាងមុខនេះ អាចនឹងមានសំណួរលើកឡើងថាហេតុ អ្វីបានជារាជរដ្ឋាភិបាលទើបតែចាប់ផ្តើមយ៉ាងដូច្នេះ? តាមពិតការប្រយុទ្ធ ប្រឆាំងគ្រឿងញៀននៅព្រះរាជាណាចក្រកម្ពុជាត្រូវបានរាជរដ្ឋាភិបាលក៏ដូចជាអាជ្ញាធរមានសមត្ថកិច្ចគ្រប់ថ្នាក់បានយកចិត្តទុកដាក់ក្នុងការចាត់វិធានការបង្ការ ទប់ស្កាត់ និងបង្រ្កាបយ៉ាងសកម្មផុលផុសនៅទូទាំងប្រទេស ជាច្រើនឆ្នាំមកហើយដោយបានទទួលលទ្ធផលជាច្រើនគួរឲ្យកត់សម្គាល់។ ជាក់ស្តែងកម្ពុជារក្សាបានកិត្តិយសល្អជាប្រទេសមិនផលិតគ្រឿងញៀន ឬប្រភពនៃគ្រឿងញៀន។

សម្តេចក្រឡាហោម បានលើកឡើងថា ការប្រយុទ្ធប្រឆាំងគ្រឿងញៀន គឺជាបញ្ហាស្មុគស្មាញទាក់ទឹនដល់ច្រើនបញ្ហាមានលក្ខណៈបែបពហុវិស័យដែលទាមទារឲ្យមានការចូលរួមពីគ្រប់សមាសភាពនៃសង្គមរួមទាំងក្រសួង ស្ថាប័ន អាជ្ញាធរមូលដ្ឋាន អង្គការសង្គមស៊ីវិលជាតិ និងអន្តរជាតិ វិស័យឯកជន ប្រជាពលរដ្ឋព្រមទាំងយន្តការក្នុង និងក្រៅប្រទេសផងដែរ។

សម្តេចក្រឡាហោម បានបន្តថា ជាមួយគ្នានោះគ្រប់ក្រសួងស្ថាប័ន ដែល មានការពាក់ព័ន្ធ និងគណៈបញ្ជាការឯកភាពរដ្ឋបាលគ្រប់ថ្នាក់ត្រូវយក ចិត្តទុកដាក់ចំពោះយន្តការប្រយុទ្ធប្រឆាំងគ្រឿងញៀនដោយត្រូវជម្រុញ និងគាំទ្រយន្តការនោះឲ្យអនុវត្តនូវតួនាទី ភារកិច្ច របស់ខ្លួនតាមគោល ការណ៍ណែនាំរបស់អាជ្ញាធរជាតិប្រយុទ្ធប្រឆាំងគ្រឿងញៀនដែលបានដាក់ចេញកន្លងមក ៕

  

}

បន្ថែមយោបល់របស់អ្នក

យោបល់

អាន៖  ស្លាប់ស្ត្រីម្នាក់បន្ទាប់ពីគេចរថយន្តទៅបុកគោយន្តនៅស្រុកក្រឡាញ់

 

 

នគរបាលខណ្ឌដូនពេញបង្ក្រាបឃាត់ខ្លួនជនសង្ស័យបាន២នាក់ពីបទជួញដូរគ្រឿងញៀន

3 ថ្ងៃ មុន 186 តូ សុផល

សមត្ថកិច្ចខណ្ឌព្រែកព្នៅ ឃាត់ខ្លួនមនុស្ស៤នាក់ និងថ្នាំញៀនជាច្រើនកញ្ចប់ធំ

4 ថ្ងៃ មុន 130 វិជ្ជា ស្លាប់រស់ជារឿងធម្មតា​

ប៉ូលីសខណ្ឌសែនសុខឃាត់ខ្លួនជនសង្ស័យម្នាក់ករណីជួញដូថ្នាំញៀន

5 ថ្ងៃ មុន 170 តូ សុផល

នគរបាលខណ្ឌព្រែកព្នៅឃាត់ខ្លួនមនុស្ស២នាក់ពាក់ព័ន្ធនឹងគ្រឿងញៀន

6 ថ្ងៃ មុន 226 វិជ្ជា ស្លាប់រស់ជារឿងធម្មតា​

ថ្នាំញៀនជាច្រើនកញ្ចប់ និងមនុស្សម្នាក់ ត្រូវសមត្ថកិច្ចខណ្ឌឬស្សីកែវបង្ក្រាបបាន

6 ថ្ងៃ មុន 70 វិជ្ជា ស្លាប់រស់ជារឿងធម្មតា​

មុខសញ្ញាចែកចាយ និងប្រើប្រាស់គ្រឿងញៀន៣នាក់ ត្រូវសមត្ថកិច្ចឃាត់ខ្លួន

6 ថ្ងៃ មុន 17 វិជ្ជា ស្លាប់រស់ជារឿងធម្មតា​

ឃាត់ខ្លួនជនសង្ស័យ២នាក់ ដកហូតថ្នាំញៀននិងកាំភ្លើងកែច្នៃមួយដើម

1 សប្តាហ៍ មុន 55 វិជ្ជា ស្លាប់រស់ជារឿងធម្មតា​

សមត្ថកិច្ចខណ្ឌមានជ័យបង្ហាញមុខមេខ្លោងជួញដូរថ្នាំញៀន៣នាក់

1 សប្តាហ៍ មុន 886 តូ សុផល

នគរបាលខណ្ឌឬស្សីកែវឃាត់ខ្លួនជនសង្ស័យម្នាក់ ក្នុងប្រតិបត្តិការគ្រឿងញៀន

1 សប្តាហ៍ មុន 89 វិជ្ជា ស្លាប់រស់ជារឿងធម្មតា​

ឃាត់ខ្លួនជនសង្ស័យម្នាក់រកឃើញគ្រឿងញៀន១៧កញ្ចប់តូចធំ

1 សប្តាហ៍ មុន 99 វិជ្ជា ស្លាប់រស់ជារឿងធម្មតា​
TOP
 

ទំនាក់ទំនង

លេខទូរស័ព្ទ: 0974444174, 017987600, 081810811 ម៉ោងធ្វើការ: ច័ន្ទ - សុក្រ ​​ (8am - 5pm) អុីមែល: info@tnn-news.com

បណ្តាញសង្គម