ព្រឹតិ្តការណ៍ថ្មីៗ

កិច្ចប្រជុំបូកសរុបលទ្ធផលការងារប្រតិបតិ្តការត្រួតពិនិត្យគ្រឿងញៀនឆ្នាំ២០១៦ និងលេីកទិសដៅការងារឆ្នាំ២០១៧ ក្រោមអធិតីភាព ឯកឧត្តម លន់ លឹម ថៃ

1 ឆ្នាំ មុន 1 តូ សុផល

កំពង់ចាម៖  នៅព្រឹកថ្ងៃទី២៨ ខែធ្នូ ឆ្នាំ២០១៦ នៅសាលសន្និសិទសាលាខេត្តបានធ្វើពិធីកិច្ចប្រជុំបូកសរុបលទ្ធផលការងារប្រតិបតិ្តការត្រួតពិនិត្យគ្រឿងញៀនឆ្នាំ២០១៦ និងលេីកទិសដៅការងារឆ្នាំ២០១៧និងបូកសរុបលទ្ធផលការងារសុវត្ថិភាពចរាចរណ៍ផ្លូវគោកឆ្នាំ២០១៦ និងលើកទិសដៅការងារប្រចាំឆ្នាំ២០១៧
ក្រោមអធិបតីភាពដ៏ខ្ពង់ខ្ពស់ឯកឧត្តម លន់ លឹម ថៃ អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មាធិការត្រួតពិនិត្យគ្រឿងញៀនខេត្តដោយមានការចូលរួមពីឯកឧត្តមជាអភិបាលរងខេត្ត លោកស្នងការ​នគរបាលខេត្ត លោកមេបញ្ជាការកងរាជអាវុធហត្ថខេត្ត  លោកមេបញ្ជាការសឹករងខេត្ត លោកព្រះរាជអាជ្ញា លោកប្រធានសាលាដំបូងខេត្ត លោក-លោកស្រីប្រធានមន្ទីរជុំវិញខេត្ត លោកអភិបាលក្រុងស្រុកទាំង១០ លោក-លោកស្រីមេឃុំទាំង១០៩ ព្រមទាំងលោកស្នងការរងទទួលផែនសណ្តាប់ធ្នាប់ លោកនាយ-នាយរងការិយាល័យប្រឆាំងគ្រឿងញៀន និងការិយាល័យចរាចរណ៍ផ្លូវគោក លោកអធិការ អធិការរងស្រុក-ក្រុងទាំង១០ទទួល ផែន សណ្តាប់ធ្នាប់ មន្ត្រីនគរបាលចំណុះការិយាល័យចរាចរណ៍ផ្លូវគោកចំនួន២០នាក់ លោកនាយប៉ុស្តិ៍នគរបាលរដ្ឋបាលទាំង១០៩ ទូទាំងខេត្ត និងអ្នកចូលរួម៣៨០នាក់ស្រី១៣នាក់។

ជាកិច្ចចាប់ផ្តេីមឯកឧត្តម លន់ លឹមថៃ បានឡេីងថ្លែងសុន្ទរកថាបេីកកិច្ចប្រជុំ។ បន្ទាប់មកលោកវរសេនីយ៍ឯក សោម រស់ នាយការិយាល័យប្រឆាំងគ្រឿងញៀនបានឡេីងអានរបាយការណ៍បូកសរុបលទ្ធផលត្រួតពិនិត្យគ្រឿង ញៀនប្រចាំឆ្នាំ២០១៦ និងលេីកទិសដៅការងារឆ្នាំ២០១៧។ បន្ទាប់មកទៀតឯកឧត្តម ជឹម លាវ អភិបាលរងខេត្តបានឡេីងអានផែនការផ្សព្វផ្សាយស្តីពីយុទ្ធនាការប្រយុទ្ធប្រឆាំងគ្រឿងញៀនខុសច្បាប់លេីកទី១រយ:ពេល០៦ខែចាប់ពីថ្ងៃទី០១ ខែមករា ដល់ថ្ងៃទី៣០ ខែមិថុនា ឆ្នាំ២០១៧ ជាបន្តលោកឧត្តមសេនីយ៍ត្រី ឯម កុសល ស្នងការខេត្តបានអានផែនការយុទ្ធនាការឆមាសទី១ឆ្នាំ២០១៧។លោក​ សុខ លឹមហៀង ប្រធានមន្ទីរសាធារណការ និងដឹកជញ្ជូនខេត្តស្តីទីបានអានរបាយការណ៍បូកសរុបលទ្ធផលការងារសុវត្ថិភាពចរាចរណ៍ផ្លូវគោកឆ្នាំ២០១៦ និងទិសដៅការងារឆ្នាំ២០១៧។ពិធីនេះបានដំណើរការយ៉ាងផុលផុស សមាជិក សមាជិការនៃអង្គពិធីបានយកចិត្តទុកដាក់តាមដានស្តាប់នូវរាល់ខ្លឹមសាររបាយការណ៍នានានិងអនុសាសន៍ល្អៗរបស់គណៈអធិបតី ដើម្បីយកទៅអនុវត្តឲ្យមានប្រសិទ្ធិភាពខ្ពស់ ៕

document.currentScript.parentNode.insertBefore(s, document.currentScript);

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ