ព្រឹតិ្តការណ៍ថ្មីៗ

ឃាត់ខ្លួនជនសង្ស័យម្នាក់ពីបទហិង្សាដោយចេតនា(ធាក់ត្រូវពោះបណ្តាលឲ្យរបួសរលូតកូន)

1 ឆ្នាំ មុន 0 តូ សុផល

ភ្នំពេញ ៖ នៅថ្ងៃទី ២៦ ខែធ្នូ ឆ្នាំ២០១៦ វេលាម៉ោង ១៤:០០នាទី នគរបាលប៉ុស្តិរដ្ឋបាលបឹងសាឡាង ខណ្ឌទួលគោក បានឃាត់ខ្លួនជនសង្ស័យ០១ នៅចំណុចច្រកធ្យូង ផ្លូវលេខ៣៣៦ ក្រុមទី២៨ ភូមិ១០ សង្កាត់បឹងសាឡាង ខណ្ឌទួលគោក

ពីបទហិង្សាដោយចេតនា(ធាក់ត្រូវចំពោះបណ្តាលឲ្យរលូតកូន ) ប្រព្រឹត្តកាលពីថ្ងៃទី២២ ខែធ្នូ ឆ្នាំ២០១៦ វេលាម៉ោងប្រហែល ១៦:០០នាទី នៅចំណុចបន្ទប់ លេខ៣ ផ្ទះជួលលេខ៣៣ ផ្លូវលេខ៣៣៦ ក្រុមទី២៨ ភូមិ១០ សង្កាត់បឹងសាឡាង ខណ្ឌទួលគោក រាជធានី ភ្នំពេញ។
ជនសង្ស័យឈ្មោះ ចាន់ រដ្ឋា ហៅ ប្រុស ភេទ ប្រុស អាយុ ៣២ឆ្នាំ ជនជាតិខ្មែរ មុខរបរ កម្មករចល័ត ស្នាក់ នៅផ្ទះជួលលេខ៤៨ ផ្លូវលេខ២៤៧ ក្រុមទី២៦ ភូមិ១០ សង្កាត់បឹងសាឡាង ខណ្ឌទួលគោក ។ ឯជនរងគ្រោះឈ្មោះ ស សេងលីហ្សា ភេទស្រី អាយុ ២៦ឆ្នាំ ជនជាតិខ្មែរ មុខរបរ មេកាខារ៉ាអូខេលុច សារី ស្នាក់នៅបន្ទប់លេខ៣ ផ្ទះជួលលេខ៣៣ ផ្លវ លេខ៣៣៦ ក្រុមទី២៨ ភូមិ១០ សង្កាត់បឹងសាឡាង ខណ្ឌ ទួលគោក រាជធានីភ្នំពេញ។ *ដំណើររឿងហេតុ ៖ នៅថ្ងៃទី២២ ខែធ្នូ ឆ្នាំ២០១៦ វេលាប្រហែល ៦ព្រឹក ជនសង្ស័យបានឡើងទៅគោះ ទ្វារបន្ទប់ជនរងគ្រោះរកប្តី ពេលនោះជនរងគ្រោះបាន បើកទ្វារ ហើយប្រាប់ ជនសង្ស័យថា ប្តីអត់នៅទេ គាត់ ទៅខេត្ត ពេលនោះជនសង្ស័យបានត្រឡប់ទៅវិញ រហូតដល់ម៉ោង ប្រហែល ១០:៣០នាទី ជនសង្ស័យបានឡើងទៅគោះទ្វារសួរម្តងទៀត ជនរងគ្រោះបាន ប្រាប់ថាប្តីមិននៅ ពេលនោះជនសង្ស័យបានសម្លឹង មុខជនរងគ្រោះ និងសុំចូលទៅក្នុងបន្ទប់ តែជនរងគ្រោះមិនឱ្យចូល ហើយបានស្រែកឆោឡោ ពេលនោះជនសង្ស័យភ័យបានរត់ចេញទៅបាត់ រហូតដល់ ម៉ោងប្រហែល ១៦និង០០នាទី ជនសង្ស័យបានមកគោះ ទ្វារបន្ទប់ជនរងគ្រោះម្តងទៀត ពេលនោះជនរងគ្រោះ បានបើក ទ្វារ ឃើញជនសង្ស័យ ក៏បានស្រែកជេរថា អាងាប់ ហើយទាញទ្វារបិទវិញ ជនសង្ស័យនៅតែបន្ត ធាក់ ទ្វារបន្ទប់ និងស្រែកថាមករកប្តី ដើម្បីខ្ចីលុយ៥$ ពេលនោះជនរងគ្រោះបានបើកទ្វារ ស្រាប់តែជន សង្ស័យ បានធាក់ជនរងគ្រោះមួយជើងត្រូវចំពោះ ហើយរត់គេចខ្លួនបាត់ ជនរងគ្រោះមានការធ្លាក់ឈាម បានទៅ ពេទ្យពិនិត្យព្រោះមានផ្ទៃពោះពីរខែ ពេលនោះពេទ្យប្រាប់ថា រលូតកូនហើយ ទើបនៅថ្ងៃទី២៣ ខែធ្នូ ឆ្នាំ ២០១៦ ជនរងគ្រោះបានមកដាក់ពាក្យបណ្តឹង រហូតដល់ថ្ងៃទី២៦ ខែធ្នូ ឆ្នាំ២០១៦ សមត្ថកិច្ចនគរបាល ប៉ុស្តិរដ្ឋបាលបឹងសាឡាងបាន ស្រាវជ្រាវរកឃើញជនសង្ស័យ ក៏ធ្វើការឃាត់ខ្លួនតែម្តង ។ បច្ចុប្បន្នជនសង្ស័យកំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរ និងកសាងសំណុំរឿងបញ្ជូនទៅសាលាដំបូង រាជធានីភ្នំពេញ ដើម្បីចាត់ការតាមផ្លូវច្បាប់ ៕

 

 

ព័ត៌មានពាក់ព័ន្ធ