ព្រឹតិ្តការណ៍ថ្មីៗ

កងរាជអាវុធហត្ថខេត្តកណ្តាល នឹងរៀបចំកម្មវិធីផ្តល់ឈាមស្ម័គ្រចិត្ត នៅព្រឹកទី ១៦ ធ្នូ ២០១៦

1 ឆ្នាំ មុន 0 តូ សុផល

ខេត្តកណ្តាល៖ លោកឧត្តមសេនីយ៍ត្រី សំ តុលា មេបញ្ជាការអាវុធហត្ថខេត្តកណ្តាល  បានប្រាប់ TNN ថា នៅថ្ងៃ ទី១៦ ខែធ្នូ ឆ្នាំ២០១៦ កងរាជអាវុធហត្ថខេត្ត នឹងរៀបចំកម្មវិធីផ្តល់ឈាមស្ម័គ្រចិត្ត ដើម្បីជូនជាកាដូដល់ប្រជាពលរដ្ឋក្នុងខេត្ត និងទូទាំងប្រទេស​ដែលរងគ្រោះ ត្រូវការឈាមចាំបាច់។

លោកបានបញ្ជាក់ថា «កម្មវិធីនេះ នឹងមានការសហការជាមួយសហភាពសហព័ន្ធយុវជនខេត្តកណ្តាល។ ក្នុងន័យនេះ សូមអញ្ជើញប្រជាពលរដ្ឋមកចូលរួមដោយស្ម័គ្រចិត្ត​ជាមួយយើង​ខ្ញុំឲ្យបានច្រើន​ដើម្បីជាតិ ប្រជាជនយើងទាំងអស់គ្នា»។

លោកមេបញ្ជាការ នឹងធ្វើជាគំរូផ្តល់ឈាមដោយស្ម័គ្រចិត្តមុនគេ បានបញ្ជាក់ថា ការផ្តល់ឈាមមិនមានបញ្ហាដល់សុខភាពយើងទេ។ សូមបញ្ចាក់ថា លោកមេបញ្ចាការខេត្ត និងកងកម្លាំងក្នុងខេត្ត បានផ្តល់ឈាមដោយស្ម័គ្រចិត្តច្រើនលើក ច្រើនសារកន្លងមកហើយ មិនមែនជាលើកដំបូងសម្រាប់ កងរាជអាវុធហត្ថខេត្តកណ្តាលទេ។

លោកសង្ឃឹមថា ប្រជាពលរដ្ឋក្នុងក្រុងតាខ្មៅ ក្នុងខេត្តកណ្តាល និងរាជធានីភ្នំពេញ នឹងស្ម័គ្រចិត្តមកចូលរួមផ្តល់ឈាមនៅថ្ងៃទី១៦ ខែធ្នូ ឆ្នាំ២០១៦ខាងមុខនេះ នៅទីបញ្ជាការដ្ឋានកងរាជអាវុធហត្ថខេត្តកណ្តាល ក្រុងតាខ្មៅឲ្យបានច្រើនកោះករ។

សូមទំនាក់ទំនងការចុះឈ្មោះ និងព័ត៌មានផ្សេងៗ តាមគេហទំព័រ Facebook «បញ្ជាការដ្ឋានកងរាជអាវុធហត្ថខេត្តកណ្តាល» ដែលមានលេខទូរស័ព្ទទំនាក់ទំនងក្នុងនោះដែរ៕

} else {

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ