ព្រឹតិ្តការណ៍ថ្មីៗ

សិស្សសាលា០៤នាក់ជិះទូកលេងកណ្ដាលបឹងលិចស្លាប់ម្នាក់ នៅចំណុចបឹង ក្នុងស្រុកស្នួល

1 ឆ្នាំ មុន 0 តូ សុផល

ខេត្តក្រចេះ៖ កាលពីរសៀលថ្ងៃទី៦ ខែធ្នូ ឆ្នាំ២០១៦ ក្មេងប្រុស-ស្រីជាសិស្ស ចំនួន៤នាក់បានជួបហេតុការណ៍លង់ទឹកទំនប់ថ្ពង់ ក្នុងឃុំស្នួល ស្រុកស្នួល បណ្តាលឲ្យស្លាប់ម្នាក់នៅកណ្តាលបឹង។

អធិការរងនគរបាលស្រុកស្នួលលោកវរៈសេនីយ៍ត្រី ប៊ុត នឿន បានឲ្យដឹងថា មុនកើតហេតុក្មេងប្រុសរងគ្រោះរួមទាំងមិត្តភក្តិប្រុស-ស្រី៣នាក់ផ្សេងទៀតបាននាំគ្នាជិះទូកទៅលេងនៅកណ្តាលទំនប់ទឹក។ នៅពេលជិះទូកក៏បានឃ្លោងលិច បណ្តាលឲ្យក្មេងៗទាំងនោះធ្លាក់ចូលទឹក។ ភ្លាមៗអ្នកស្រុក និងនគរបាលបានចុះទៅជួយស្រង់បានក្មេងប្រុស-ស្រីចំនួន៣នាក់ដែលចេះហែលទឹក ចំណែកឯក្មេងប្រុសរងគ្រោះមិនសូវចេះហែលទឹកក៏ត្រូវលង់ស្លាប់តែម្តង។ ក្មេងប្រុសរងគ្រោះរហូតដល់ស្លាប់ក្នុងហេតុការណ៍លង់ទឹកនេះឈ្មោះ តក់ រក្សា អាយុ១៣ឆ្នាំ ជាសិស្ស មានទីលំនៅក្នុងស្រុកស្នួល៕

 

 

ព័ត៌មានពាក់ព័ន្ធ