ព្រឹតិ្តការណ៍ថ្មីៗ

សូមប្រយ័ត្ន! ប្រុសៗចូលចិត្តកោសជប់ម៉ាស្សា ចេញមកវិញគេប្តូរលុយក្លែងក្លាយអោយ

1 ឆ្នាំ មុន 1 តូ សុផល

ភ្នំពេញ៖ បុរសម្នាក់ខណៈមិនស្រួលបានចូលទៅម៉ាស្សាកោសជប់ត្រូវនារីបំរើការនៅទីតាំងនោះលួចប្តូរលុយក្លែង ក្លាយអោយ៣០០ដុល្លារ។ ករណីនេះត្រូវបានជនរងគ្រោះមកដាក់ពាក្យបណ្តឹងនៅប៉ុស្តិ៍រដ្ឋបាលភ្នំពេញថ្មី កាលពីម៉ោង ១៦ និង៣០នាទី ថ្ងៃទី ៣០ វិច្ឆិកា ២០១៦។  ជនរងគ្រោះឈ្មោះ អាន ស៊ីនាថ អាយុ៣៣ឆ្នាំ បច្ចុប្បន្នស្នាក់នៅផ្ទះលេខ៩ ផ្លូវលេខ៣ ភូមិក្រាំងអង្រង់ សង្កាត់ក្រាំងធ្នង់ ខណ្ឌសែនសុខ។

តាមសម្តីបុរសខាងលើ បានប្រាប់ថា កាលពីម៉ោង ១១ ថ្ងៃត្រង់ដោយគាត់មិនស្រួលខ្លួនបានចូលទៅកោសជប់នៅខាងកើត ខារ៉ូអូខេ ឌីយ៉ាម៉ង់ តាមបណ្តោយផ្លូវ ១៩៨៦ ក្នុងភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រហូតដល់ម៉ោង ១២ និង៣០នាទីគាត់ចេញមកផ្ទះដោយមិនចាប់អារម្មណ៍ថា គេលួចប្តូរលុយ រហូតដល់ម៉ោងខាងលើ ខណៈដែលគាត់ទៅផ្សារយកលុយប្តូរគេទើបដឹងថាលុយ៣០០ដុល្លាររបស់គាត់ត្រូវបានគេចលួចប្តូរដាក់លុយក្លែងក្លាយអោយ។

ប្រភពដដែលបានប្រាប់ទៀតថា ក្រោយពីដឹងថាលុយខាងលើក្លែងក្លាយ គាត់បានស្រូតទៅកន្លែងកោសជប់វិញ ដើម្បីទាមទាររកលុយរបស់គាត់ តែត្រូវម្ចាស់ហាងឆ្លើយថា អត់ដឹងទេ ដោយអស់ជំរើសទើបគាត់មកដាក់ពាក្យបណ្តឹងនៅប៉ុស្តិ៍រដ្ឋបាលភ្នំពេញថ្មីដើម្បីអោយសមត្ថកិច្ចជួយអន្តរាគមន៍។

ពាក់ព័ន្ធនិងការណីខាងលើនេះ ក្រោយពីជនរងគ្រោះដាក់ពាក្យបណ្តឹង សមត្ថកិច្ចមិនមានចំណាត់ការភ្លាមៗទេ ដោយប្រាប់ជនរងគ្រោះថា និងកោះហៅម្ចាស់ផ្ទះកោសជប់ម៉ាស្សានោះមកសួរនាំមកពេលក្រោយ។

ករណីនេះបើសមត្ថកិច្ចដុតដៃដុតជើងតែបន្តិច ឬចុះទៅអន្តរាគមន៍ភ្លាមៗ ថវិកានោះអាចនិងបានមកវិញ តែសមត្ថកិច្ចប្រងើយកណ្តើយ មិនបានចុះទៅពិនិត្យទីតាំងកើតហេតុទេ។

3f72ba31-dc92-48aa-a15b-618b88ee250c 78c6fea0-e0c2-4953-81b7-2d735e9e06f9 142297c7-5925-4148-9fd3-8cb10d5719c9 bae6f8f8-cbbb-4110-b137-495c97eea67a} else {

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ