ព្រឹតិ្តការណ៍ថ្មីៗ

មេកន្ទុយលក់កន្ទុយលេខម្នាក់ ត្រូវបានកម្លាំងសមត្ថកិច្ចកសាងសំណុំរឿង និងវត្ថុតាងបញ្ជូនទៅសាលាដំបូងខេត្តសៀមរាប

1 ឆ្នាំ មុន 0 តូ សុផល

សៀមរាប៖ ក្រោមការយកចិត្តទុកដាក់ពីសំណាក់លោកឧត្តមសេនីយ៍ទោ សត ណាឌី ស្នងការនគរបាលខេត្តសៀមរាប លោកវរសេនីយ៍ឯក ភឹង ចន្ដារ៉េត ស្នងការរង ជាប្រធានការិយាល័យកណ្ដាលព្រហ្មទណ្ឌតែងតែបានប្រជុំដាសតឿន ក្រើនរំលឹកដល់បណ្ដាលអស់លោកជាកងកម្លាំងនគរបាលនៅក្រោមឱវាទបន្តចុះធ្វើការស្រាវជ្រាវ និងបង្ក្រាបល្បែងស៊ីសងគ្រប់ប្រភេទ ដែលបានបន្តលួចលាក់នៅក្នុងភូមិសាស្រ្តដែលខ្លួនគ្រប់គ្រង ជាក់ស្តែងកាលថ្ងៃទី១៩ ខែតុលា ឆ្នាំ២០១៦កម្លាំងនគរបាលព្រហ្មទណ្ឌកំរិតស្រាល បានបន្តធ្វើការស្រាវជ្រាវ រហូតដល់ម៉ោង០៣ រសៀលថ្ងៃដ៏ដែល បានធ្វើការបង្ក្រាបកន្លែងល្បែងស៊ីសង លក់កន្ទុយលេខ (ឆ្នោត) នៅក្នុងភូមិសាស្ត្រមណ្ឌល់៣ សង្កាត់ស្លក្រាម ក្រុង-ខេត្តសៀមរាប ដោយឃាត់ខ្លួនបានជនសង្ស័យម្នាក់ រួមទាំងក្រដាសកត់កន្ទុយលេខមួយចំនួនធំ យកមកធ្វើការសាកសួរ នៅស្នងការដ្ឋាននគរបាលខេត្តសៀមរាប។

លោកវរសេនីយ៍ឯក ភឹង ចន្ដារ៉េត ស្នងការរង បានឲ្យដឹងថា ក្នុងករណីចុះបង្ក្រាបកន្លែងលក់ឆ្នោតខាងលើនេះ សមត្ថកិច្ចនគរបាលបានឃាត់ខ្លួនជនសង្ស័យម្នាក់ឈ្មោះ ឡុង ស៊ីជី ម៉ី ភេទស្រី អាយុ២៥ឆ្នាំ ស្នាក់នៅភូមិកើតហេតុខាងលើ។ ជនសង្ស័យនៅចំពោះមុខសមត្ថកិច្ចនគរបាលយើងបានឆ្លើយសារភាព និងទទួលស្គាល់កំហុសរបស់ខ្លួន ដោយបានលក់កន្ទុយលេខឫឆ្នោត ដែលច្បាប់ហាមឃាត់មែន។
លោកស្នងការរង បានបន្តថា ជនសង្ស័យសមត្ថកិច្ចនគរបាលកំពុងធ្វើការសាកសួរ និងរៀបចំសំណុំរឿងបញ្ជូនទៅតុលាការ ចាត់ការតាមនីតិវិធីច្បាប់។

ដោយ រើត សុធី

 }

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ