ព្រឹតិ្តការណ៍ថ្មីៗ

បើកហ្គែមបាញ់ត្រីផ្គើនអាជ្ញាធរ ចាប់ព្រឹកយប់ឡើងដាក់វិញ សមត្ថកិច្ចបង្ក្រាបម្តងទៀត

1 ឆ្នាំ មុន 4 តូ សុផល

ភ្នំពេញ:ទីតាំងបើកហ្គេមបាញ់ត្រី២កន្លែងត្រូវបានកម្លាំងនគរបាលព្រហ្មទណ្ឌកម្រិតស្រាលរាជធានីភ្នំពេញ ចុះបង្រ្កាបកាលពីវេលាម៉ោង១២និង៣០នាទីរសៀលថ្ងៃទី ១៧ ខែតុលា ឆ្នាំ២០១៦ នៅស្របផ្លូវរថភ្លើងស្ថិតក្បែរទំនប់ទួលគោក សង្កាត់ទួលសង្កែ ខណ្ឌឫស្សីកែវ ដោយបង្ក្រាបម្តងហើយយប់ឡើងដាក់ឡើងវិញត្រូវបានបង្ក្រាបម្តងទៀត។

លោក ប៊ុន សត្យា នាយការិយាល័យ ព្រហ្មទណ្ឌកម្រិតស្រាលបានឱ្យដឹងថាក្រោមការជង្អុលបង្ហាញពីលោកនាយឧត្តមសេនីយ៍ ជួន សុវណ្ណ ស្នងការនគរបាលរាជធានីភ្នំពេញនិងដោយមានការសម្របសំរួលពីលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ បានបញ្ជារមកលោកឱ្យសហការណ៍ជាមួយមូលដ្ឋានចុះបង្រ្កាបទីតាំងហ្គេមបាញ់ត្រីនៅចំណុចខាងលើធ្វើអោយដូចភ្លៀងរលឹមទោះបីចាប់ហើយលួចដាក់វិញត្រូវតែបង្ក្រាបរហូត។

ប្រជាពលរដ្ឋបានលើកឡើងថាទោះជាមានការបង្រ្កាបក្តី ទីតាំងហ្គេមបាញ់ត្រី ២៤ម៉ោង លើ២៤ម៉ោងចំនួន ២ទៅ ៣កន្លែងផ្សេងទៀត នៅម្តុំទីតាំងខាងលើនេះនៅតែបើកដំណើរការយ៉ាងរលូនដដែល ជាពិសេសទីតាំងផ្ទះ នៅជាប់មាត់ប្រឡាយ លូទឹកស្អុយតែម្តង ដោយក្នុងនោះសិស្សសាលា រួមទាំងក្មេងទំនើងក្រុមបងតូចធំ បានមកចូលលេង ខ្លះទៀតសម្ងំដេក និងសេពគ្រឿងញៀន ប្រមូលផ្ដុំគ្នាបង្កើតនូវប្រភេទ បទល្មើសលួច ឆក់ ប្លន់ផ្សេងៗក្នុងសង្គមរាល់ថ្ងៃ។ នៅពេលយប់ជ្រៅបង្កជាសំឡេងឡូរឡាឈ្លោះប្រកែកគ្នាជួនកាលភ្ញៀវ ជាអ្នកលេងដេញវាយកាប់គ្នាបង្កអសន្តិសុខរកដេកពួនមិនបានឡើយ ។

តែទោះជាយ៉ាងណាលោកប៊ុន សត្យា នាយការិយាល័យ ព្រហ្មទណ្ឌកម្រិតស្រាល បានសន្យាថានិងសំុយោលបល់ ពីតុលាការចុះបង្រ្កាបនេះនៅពេលក្រោយៗទៀតបង្ក្រាបពេលព្រឹកនេះបានដកហូតទូរហ្គេមបាញ់ត្រីចំនួន០២ គ្រឿងផងដែល។

គួររំលឹកថាកាលពីម៉ោង១០និង០០នាទីព្រឹកថ្ងៃទី១៦ខែតុលាឆ្នាំ២០១៦ កម្លាំងនគរបាលព្រហ្មទណ្ឌកម្រិតស្រាលរាជធានីភ្នំពេញដឹកនាំដោយលោកប៊ុន សត្យា នាយការិយាល័យព្រហ្មទណ្ឌកម្រិតស្រាលបានចុះបង្ក្រាបទីតាំងខាងលើម្តងហើយលុះយប់ឡើងបានលួចដឹកចូលដាក់ឡើងវិញក៍ត្រូវកម្លាំងលោកបង្ក្រាបម្តងទៀតចាំមើលថាហា៑នដាក់ឡើងវិញអត់។

a89b7d1d-8001-4979-8fda-970a20d465f8 c14207a7-f08c-4820-bf5c-9650dbaf68a3 ee27f119-5a0d-4cea-8e03-135642966f6b fcc4e978-ce16-4583-bb76-c0caf3b6f2d2

 

 

ព័ត៌មានពាក់ព័ន្ធ

%d bloggers like this: