ព្រឹតិ្តការណ៍ថ្មីៗ

ផ្សំគំនិតលើករណីបាត់ក្មេងស្រីនៅខេត្តក្រចេះ តាមចាប់ដល់ខណ្ឌសែនសុខ!

1 ឆ្នាំ មុន 0 តូ សុផល

ភ្នំពេញ៖ បុរសម្នាក់ត្រូវបានកម្លាំងព្រហ្មទណ្ឌខណ្ឌសែនសុខ សហការជាមួយករិយាល័យប្រឆាំងការជួញដូរមនុស្ស និងការការពារអតិជនខេត្តក្រចេះឃាត់ខ្លួនតាមបញ្ជារបស់លោក ហាក់ ហ៊ាន់ ព្រះរាជអាជ្ញារងអមសាលាដំបូងខេត្តក្រចេះ ករណីផ្សំគំនិត ភូតភរសមត្ថកិច្ច លើករណីបាត់ក្មេងស្រីកាលពីថ្ងៃ ៥ តុលា ២០១៦ ។

ករណីនេះឃាត់ខ្លួនកាលពីម៉ោង ១៥ និង ០០នាទី ថ្ងៃទី ១៣ ខែតុលា ២០១៦ នៅចំណុចភូមិបន្លារស្អិត សង្កាត់ឃ្មួញ ខណ្ឌសែនសុខ។

ក្នុងប្រតិបត្តិការណ៍ខាងលើ ដឹកនាំដោយលោកវរសេនីយ៍ ម៉េង ចាន់រទ្ធី នាយរងការិយាល័យប្រឆាំងការជួញដូរមនុស្ស និងការការពារអតិជនខេត្តក្រចេះ លោក យឹម ដាវុធ នាយផ្នែកព្រហ្មទណ្ឌខណ្ឌសែនសុខ ។

បុរសខាងលើមានឈ្មោះ ហួត ម៉ាប់ អាយុ ៣៣ឆ្នាំ មុខរបរកម្មកររោងចក្រ ស្នាក់នៅភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ មានស្រុកកំណើត នៅភូមិស្វាយ ឃុំស្វាយត្បូង ស្រុកស្រីសន្ធរ ខេត្តកំពង់ចាម។

ក្នុងករណិខាងលើនេះ លោកវរសេនីយ៍ ម៉េង ចាន់រទ្ធី នាយរងការិយាល័យប្រឆាំងការជួញដូរមនុស្ស និងការការពារអតិជនខេត្តក្រចេះ បានអោយដឹងយ៉ាងខ្លីថា មូលហេតុនៃការឃាត់ខ្លួនបុរសខាងលើ ដោយសារ ជននេះបានផ្សំគំនិតជាភូតភរសមត្ថកិច្ច ក្នុងការលាក់កំបាំង លើករណីបាត់ក្មេងស្រីម្នាក់កាលពីថ្ងៃ ៥ តុលា ២០១៦ និងដោយមានបញ្ជាអោយអោយនាំខ្លួនពីលោក ហាក់ ហ៊ាន់ ព្រះរាជអាជ្ញារងអមសាលាដំបូងខេត្តក្រចេះ។

ក្រោយការឃាត់ខ្លួនបុរសខាងលើបានប្រគល់អោយទៅការិយាល័យប្រឆាំងការជួញដូរមនុស្ស និងការការពារអតិជនខេត្តក្រចេះដើម្បីសាកសួរបន្ត៕

4c849fbb-256b-4349-bc9c-9898438eb28b 40a896fe-e4c5-47bf-8467-ef5169170d25 b38b2674-193d-410a-a735-00bd6631ae44}

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ

%d bloggers like this: