ព្រឹតិ្តការណ៍ថ្មីៗ

ហ៊ានខ្លាំងណាស់! ហៅម៉ូតូកង់បី ទៅប្លន់ ទាំងកណ្តាលថ្ងៃ!

1 ខែ មុន 65 tnn_admin

ភ្នំពេញ ៖ ជនសង្ស័យម្នាក់ហ៊ានពេកទៅហើយ ហៅម៉ូតូកង់បីជិះចេញពីម្តុំផ្សារកាណាឌីយ៉ាទៅភូមិទ្រង់មាន់ ដល់កន្លែងស្ងាត់ ធ្វើសកម្មភាព យកកូនកាំបិតភ្ជង់ក អ្នកបើកបរ គម្រាមប្លន់យកម៉ូតូកង់បី មិនបានសម្រេច រើបម្រាស់រួចស្រែកឆោឡោ ផ្អើលអស់ពលរដ្ឋ ក្រោយមានសម្រែកថាជួយផង ចោរ ! ចេញមកស្វាគមន៍ ព័ទ្ធ វាយ ទាត់ ធាក់ បែកមុខ ចាប់ខ្លួនប្រគល់ជូនសមត្ថកិច្ច កាលពីវេលាម៉ោង ១២និង១៥នាទីរសៀលថ្ងៃទី០៤ ខែកញ្ញា ឆ្នាំ២០១៩ ស្ថិតនៅតាមផ្លូវបេតុងភូមិទ្រុងមាន់ សង្កាត់អូរបែកក្អម ខណ្ឌសែនសុខ ។

ជនសង្ស័យឈ្មោះ សុខ អូន២៣ឆ្នាំ មុខរបរជាង សំណង់ស្នាក់នៅការដ្ឋានសំណង់ភូមិទ្រុងមាន់ សង្កាត់អូរបែកក្អម ខណ្ឌសែនសុខ ។

អ្នកបើកកង់បីឈ្មោះ ប៊ូ វ៉ាន់ អាយុ ៤៥ឆ្នាំស្នាក់នៅផ្ទះលេខ៧៤៣ផ្លូវបេតុងភូមជ្រៃកោងសង្កត់ចោមចៅ២ខណ្ឌពោធិ៍សែនជ័យ។

តាមប្រភពនៅកន្លែង មុនកើតហេតុ ជនសង្ស័យបានហៅម៉ូតូកង់បី ឥណ្ឌា ខាងលើ ពណ៌ស ជិះពីម្តុំកាណាឌីយ៉ា សង្កាត់ចោមចៅ១ ខណ្ឌពោធិសែនជ័យ ជិះឆ្ពោះទៅភូមិទ្រង់មាន់ សង្កាត់អូរបែកក្អម ខណ្ឌសែនសុខ បែជាដល់ចំណុចខាងលើ ផ្លូវបេតុង ស្ងាត់ ស្មានថាបាត់គ្មានមនុស្សម្នាណាឃើញ ជនសង្ស័យ ទាញកូនកាំបិតមកធ្វើសកម្មភាពភ្ជង់ក អ្នកបើកបរគម្រាម ប្លន់យកម៉ូតូកង់បី អ្វីមិននឹកស្មានដល់ ជនរងគ្រោះ ចាប់ដៃ ប្រតាយប្រតប រើបម្រាស់រួច ពីអាវុធមុតស្រួច រត់ស្រែកផ្អើលអ្នកស្រុក ចេញមកជួយអន្តរាគមន៍ ព័ទ្ធ ចាប់វាយសំពង បែកមុខ រួចប្រគល់ឲ្យប៉ូលិស ។

ជនសង្ស័យក្រោយពីប្លន់មិនបានសម្រេច ពលរដ្ឋចាប់ខ្លួន សមត្ថកិច្ចចុះទៅនាំខ្លួនទៅកាន់ផ្នែកជំនាញអធិការដ្ឋានខណ្ឌ ដើម្បីកសាងសំណុំរឿង តាមនីតិវិធី ៕

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ