ព្រឹតិ្តការណ៍ថ្មីៗ

បង្ក្រាបហ្គេមអនឡាញបង្កប់ល្បែងភ្នាល់នានា នៅខណ្ឌសែនសុខ ចាប់ខាងមុខបើកខាងក្រោយ

1 ឆ្នាំ មុន 0 តូ សុផល

ភ្នំពេញ៖ រឿងដដែលៗចេះតែកើតមានមិនឈប់ ចំពោះការបង្ក្រាបល្បែងភ្នាល់ និងស៊ីសងគ្រប់ប្រភេទ ដែលម្ចាស់ទីតាំងលួចបង្កប់ក្នុងទីតាំងInternet 24ម៉ោង ហើយអាជ្ញាធរពិតជាជ្រាប់ច្បាស់ណាស់ថា វាជះឥទ្ធិពលអាក្រក់បំផុតដល់សង្គមជាតិ តែហេតុអ្វីគេនៅតែមើលឃើញថា អ្នកចាប់បន្តចាប់ អ្នកដោះ លែងនៅតែបន្តដោះលែងជាថ្នូរ និងលាភសក្ការៈ ចំណែកម្ចាស់ទីតាំងនៅតែបន្តបើកយ៉ាងគគ្លើន បំពានគោលនយោបាយភូមិឃុំមានសុវត្ថិភាព ដែលជាកត្តាសំខាន់បំផុត ដែលដ្ឋាភិបាលបានដាក់បញ្ចូលឱ្យប្រើ ប្រាស់ផ្លូវការក្នុងចំណោគោលនយោបាយទាំង៩ចំណុច។ ជាងនោះទៅទៀត បទល្មើសល្បែងស៊ីសង ហ្គេមអនឡាញជាកត្តាសំខាន់ដែលប្រជាពលរដ្ឋចាប់អារម្មណ៍ជាងគេចាប់អារម្មណ៍ក៍ព្រោះតែល្បែងស៊ីសងអាចធ្វើឱ្យមនុស្សឈ្លក់វង្វេងភ្លេចការងារភ្លេចបាយភ្លេចទឹកភ្លេចការសិក្សារនិងកែប្រែពីការចាញ់ល្បែងទៅជាបទល្មើស លួច ឆក់ ប្លន់ជាដើម។

បើទោះបីចាប់ហើយលែងយ៉ាងណានោះ នៅម៉ោង១៦និង៣០នាទីរសៀលថ្ងៃទី២១កញ្ញា ឆ្នាំ ២០១៦ អាជ្ញាធរខណ្ឌបានបន្តចុះបង្ក្រាបហ្គេមអនឡាញចំនួន០១ទីតាំងដែលបង្កប់ល្បែងស៊ីងសងដែលទីតាំង ហ្គេមអនឡាញមានយី ហោ ៨៨៨ណេត ស្ថិតនៅលេខ១៨៨ផ្លូវ៣៧១ ភូមិត្រពាំងឈូក សង្កាត់ ទឹកថ្លា ខណ្ឌសែនសុខតែគេមិនប្រាកដថាទីតាំងដែលចុះបិទនេះមិនប្រាកដថាបើវិញថ្ងៃណាទេ។

ក្នុងប្រតិបត្តិការខាងលើនេះដឹកនាំដោយលោកសាំង សុភៈវិចិត្រ អភិបាលរងខណ្ឌ តំណាងលោក ប៉ឹល កុសលអភិបាលខណ្ឌសែនសុខ លោកឃុន ពេជ្រ មន្ត្រីសាលាខណ្ឌ លោកប៊ិន ចន្ថា ប្រធាន សណ្តាប់ ធ្នាប់ខណ្ឌនិងសមត្ថកិច្ចមូលដ្ឋានផងដែលនិងដែលមានការសម្របសំរួលពីលោកចែ សុងព្រះរាជអាជ្ញា រងអមសាលាដំបូងរាជធានីភ្នំពេញផង ។

ពេកដែលក្រុមការងារចុះមកដល់បានជួបយុវជនម្នាក់ឈ្មោះពឿន ចាន់ អាយុ២៦ឆ្នាំមុខរបរមើល
ខុសត្រូវទីតាំងខាងលើ។
ម្ចាស់ទីតាំងឈ្មោះ ជា ណារ៉ា ភេទប្រុសអាយុ៤៤ ឆ្នាំមុខរបរបើកទីតាំងហ្គេមនិងស្នាក់នៅផ្លូវលេខ២៦៣ ផ្លូវវ៉េងស្រេង សង្កាត់ចោមចៅខណ្ឌពោធិ៍សែនជ័យ។ ដោយធ្វើការដកហូត កុំព្យូទ័រ១១ឈុត រួមទាំងថវិកា២លាន៦៣ ម៉ឺនរៀលនិង១០៧០ដុល្លា។

ពលរដ្ឋក្នុងមូលដ្ឋានសំណូមពរទៅអាជ្ញាធរខណ្ឌសែនសុខថា ជ្រុលជាបង្ក្រាបទៅហើយសូមមេត្តាកុំសំរួល ដោះលែងមកវិញអី។

បច្ចប្បន្នសម្ភារះហ្គេមអនឡាញខាងលើមិនត្រូវបានដកហូតយកទៅរក្សាទុកនៅសាលាខណ្ឌសែនសុខទេគឺត្រូវខាក់សោរនិងក្លុមបេទុកនៅទីតាំងខាងលើតែម្តងចំពោះអ្នកមើលខុសត្រូវបាននាំខ្លួនយកទៅធ្វើការ សាកសួរ។

image image image image image image

}

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ