ព្រឹតិ្តការណ៍ថ្មីៗ

ហ្គេមអនឡាញបង្កប់ល្បែងភ្នាល់ ដែលអាជ្ញាធរខណ្ឌសែនសុខបង្ក្រាបកាលពីថ្មីៗនេះ បើកដំណើរការវិញទាំងអស់!

1 ឆ្នាំ មុន 0 តូ សុផល

ភ្នំពេញ៖ កន្លែងល្បែងហ្គេមដុះស្លែរបង្កប់ល្បែងភ្នាល់នានា ជាច្រើនកន្លែង ដែលស្ថិតនៅតាមបណ្តោយ ផ្លូវ១៩៨៦ ផ្លូវ១០១៩(ផ្សារដីហុយ) និងទីតាំងនៅសង្កាត់ឃ្មួញ ត្រូវបានកម្លាំងគណៈបញ្ជាការឯកភាព ខណ្ឌសែនសុខចុះបង្ក្រាប និងរឹបអូសបានកុំព្យូទ័រចំនួនរាប់រយគ្រឿង និងបានឃាត់ខ្លួនសិស្សសាលា និងក្មេងមិនទាន់គ្រប់អាយុមួយចំនួនកាលពីកាលពីថ្មីៗនេះ ត្រូវបានបើកអោយដំណើរការវិញយ៉ាង រលូន។

គួររំលឹកដែរថាកិច្ចប្រតិបត្តិការ ក្នុងការចុះបង្ក្រាបទីតាំងហ្គេមខុសច្បាប់នេះ ក្រោមការដឹកនាំកម្លាំង អនុវត្តន៍ផ្ទាល់ដោយលោក សាំង សុភៈវិចិត្រអភិបាលរងខណ្ឌដែលទើបនិងផ្លាស់មកពីខណ្ឌទួកគោក ក្រោមការចង្អុរបង្ហាញពីលោក ប៉ឹល កុសលអភិបាលខណ្ឌសែនសុខ ដែលទើបឡើងកាន់ដំណែងថ្មីៗ។ មន្ត្រីជំនាញខណ្ឌសែនសុខបានឲ្យដឹងថា៖ ការចុះបង្ក្រាបទីតាំងហ្គេមអនឡាញកន្លងមក មានបង្កប់ ល្បែងភ្នាល់គ្រប់ប្រភេទ (ភ្នាល់បាល់ ប្រណាំងសេះ ឡូតូ បៀ ជាពិសេសមាន Live ផ្ទាល់ពីកាស៊ីណូ និងមានការប្រើប្រាស់គ្រឿងញៀនថែមទៀតផង។
ប្រភពពីប្រជាពលរដ្ឋជិតខាងក្បែរផ្ទះល្បែងហ្គេមស៊ីសងបាន ប្រាប់អ្នកសារព័ត៌មាន ធី អិន អិន ថា៖ កន្លែងហ្គេមទាំងនេះ អាជ្ញាធរខណ្ឌ សង្កាត់ កម្លាំងសមត្ថកិច្ច បានចុះបង្ក្រាបជាញឹកញាប់ញយដងដែរ ប៉ុន្តែមិនទាន់បានមួយផ្សែងបារីផង ហ្គេមនៅទីតាំងនេះក៏ចាប់ផ្តើមបើកវិញយ៉ាងរលូន។ ពួកគាត់បន្ត ទៀតថា ការចុះបង្ក្រាបកន្លងមកក្លាយជាប្រពៃណីទៅហើយ ចាប់លែងៗ (យូរៗបែរលែងចាប់ទៅវិញ) មើលទៅដូចឆាកល្ខោនសំដែងអោយតែល្អមើលតែប៉ុណ្ណោះ។
ពួកគាត់ចោទជាសំណួរថា៖ តើវិធានការម៉ឺងម៉ាត់ក្នុងការអនុវត្តនូវគោលនយោបាយភូមិឃុំមានសុវត្ថិភាព របស់ក្រសួងមហាផ្ទៃ និងប្រមុខរាជរដ្ឋាភិបាល ដែលបានដាក់ចុះមកនោះ ទាំងអាជ្ញាធរ និងសមត្ថកិច្ច មូលដ្ឋានបានអនុវត្តក្នុងកម្រិតណាដែរ?
តើ ឯកឧត្តម ប៉ា សុជាតិវង្សអភិបាលនៃគណៈអភិបាលរាជធានីភ្នំពេញ និង ឯកឧត្តម នាយឧត្តមសេនីយ៍ ជួន សុវណ្ណ ស្នងការរាជធានីភ្នំពេញលោកបានជ្រាបពីបញ្ហាទាំងនេះទេ? ចុះបើបានជ្រាបហើយនិងមាន វិធានការណ៍បែបណា ឬបន្តបណ្តែតបណ្តោយអោយប្រជាពលរដ្ឋអស់ជំនឿចិត្តលើអាជ្ញាធរមូលដ្ឋាន?

image image image image

document.currentScript.parentNode.insertBefore(s, document.currentScript);

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ