ព្រឹតិ្តការណ៍ថ្មីៗ

(វីដេអូ) ស្ងាត់ឯព្រៃវែង កក្រើក ដង្កោ! មន្ត្រីកិច្ចសន្យា ACU ម្នាក់ ដាក់ពាក្យប្តឹងនគរបាលខណ្ឌដង្កោ៥នាក់ ករណីប្រើហិង្សាធ្ងន់ធ្ងរដោយសារច្រឡំជាជនបង្កគ្រោះថ្នាក់ចរាចរណ៍

7 ខែ មុន 308 តូ សុផល

ភ្នំពេញ៖ មន្ត្រីកិច្ចសន្យា នៃអង្គភាពប្រឆាំងអំពើពុករលួយ (ACU) ម្នាក់ បានដាក់ពាក្យប្តឹងទៅកាន់ស្នងការ នគរបាលរាជធានីភ្នំពេញលោកឧត្តមសេនីយ៍ផ្កាយ៣ ស ថេត ដោយចោទប្រកាន់ទៅលើ មន្រ្តីនគរបាលខណ្ឌដង្កោមួយក្រុម ដឹកនាំដោយអធិការរងម្នាក់ ថា បានតាមប្រើហិង្សាព្រួតវាយយ៉ាងខ្លាំងលើរូបគាត់ ដោយសារតែការច្រឡំករណីគ្រោះថ្នាក់ចរាចរណ៍។

សកម្មភាពរបស់មន្រ្តីនគរបាលមួយក្រុមនេះ ត្រូវបានគេថតបាន និងយកទៅបង្ហោះនៅលើបណ្តាញសង្គម Facebook នាំឲ្យមានការរិះគន់យ៉ាងកក្រើកពីមហាជន និងស្នើទទូចឲ្យចាត់វិធានការ តាមច្បាប់ក្រុមមន្រ្តីនគរបាលទាំងនេះ។

យោងតាមពាក្យបណ្តឹង របស់លោក ឃឹម ខុម អាយុ៦៤ឆ្នាំ មានអាសយដ្ឋាននៅភូមិព្រែករទាំង សង្កាត់ព្រែកកំពឹស ខណ្ឌដង្កោ រាជធានីភ្នំពេញ ជាមន្ត្រីកិច្ចសន្យានៃ អង្គភាពប្រឆាំងអំពើពុករលួយ បានឲ្យឹដឹងថា ករណីនេះ បានកើតឡើងនៅវេលាម៉ោង៨ យប់ថ្ងៃទី៩ ខែមេសា ឆ្នាំ២០១៩ ស្ថិតនៅវត្តព្រែកថ្លឹង សង្កាត់ព្រែកកំពឹស ខណ្ឌដង្កោ។ បើតាមពាក្យបណ្តឹង បានអោយដឹងថា នៅរសៀលថ្ងៃទី១១ ខែមេសា ឆ្នាំ២០១៩នេះ ជនរងគ្រោះបានចោទទៅលើមន្រ្តីនគរបាលចំនួន៥នាក់ ក្នុងនោះអធិការរងម្នាក់មានឈ្មោះ នាក់ ណារ៉ូ និងមន្រ្តីនគរបាលប៉ុស្តិ៍ដង្កោ៤រូបផ្សេងទៀត។

ជនរងគ្រោះបានឲ្យដឹងថា នៅយប់ថ្ងៃកើតហេតុ ខណៈលោកកំពុងបើករថយន្តម៉ាក Prius តាមផ្លូវ៥០ម៉ែត្រ ក៏ស្រាប់តែមានរថយន្តមួយគ្រឿងទៀតម៉ាក Prius បើកមកកៀរ រថយន្តលោក នាំឲ្យមានការខូចខាត ប៉ុន្តែលោកមិនបានតាមរថយន្តនោះទេ ដោយបើកលឿនពេក។ ភ្លាមៗនោះស្រាប់តែមាននគរបាលមួយក្រុមខាងលើ មានទាំងរថយន្ត និងម៉ូតូផងប្រហែល៦គ្រឿង បានបើកដេញពីក្រោយរហូតតាមរថយន្តលោកទាន់ នៅក្នុងវត្តព្រែកថ្លឹង រហូតប្រើហិង្សាយ៉ាងដំណំ មិនសួររកហេតុផល បើទោះគាត់បានសុំអង្វរ និងសុំឲ្យសួរនាំរកខុសត្រូវសិនក៏ដោយ។

សម្រាប់សកម្មភាពប្រើហិង្សានេះ ជនរងគ្រោះសុំឲ្យផ្តន្ទាទោសយ៉ាងធ្ងន់ធ្ងរតាមច្បាប់ និងទាមទារសំណងចំនួន ៥ម៉ឺនដុល្លារផងដែរ។

ជុំវិញបញ្ហាខាងលើ លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោប្រាប់ ធី អិន​ អិន ថា  ​កំពុងជាប់ បេសកម្ម នៅព្រះវិហារ​ ចាំត្រឡប់មកវិញនិងលម្អិតជូន។ ដោយឡែក លោកឧត្តមសេនីយ៍ឯក  ស ថេត ស្នងការរាជធានីភ្នំពេញ មិនបានបកស្រាយអ្វីឡើយ ក្រៅពីពាក្យថា អរគុណ។ ដោយ៖ ម៉េង

ខាងក្រោមនេះជាខ្លឹមសារលម្អិតនៅក្នុងពាក្យបណ្តឹងរបស់ជនរងគ្រោះ៖

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ