ព្រឹតិ្តការណ៍ថ្មីៗ

មុខសញ្ញាឆក់៣នាក់ ត្រូវកម្លាំងនគរបាលព្រហ្មទណ្ឌកំរិតស្រាល ឃាត់ខ្លួន

1 ឆ្នាំ មុន 31 តូ សុផល

ភ្នំពេញ៖ កាលពីថ្ងៃទី ០៨ ខែ មករា ឆ្នាំ ២០១៩ វេលាម៉ោង ១៩ និង ១០ នាទីកម្លាំងជំនាញរបស់ការិយាល័យបានអន្តរាគមន៍ បង្ក្រាប និងឃាត់ខ្លួនក្នុងបទល្មើសជាក់ស្តែងបានជនសង្ស័យ ចំនួន ០៣ នាក់ នៅចំណុចផ្លូវលេខ២៩៤ កែងផ្លូវលេខ៥១ សង្កាត់បឹងកេងកងទី១ ខណ្ឌចំការមន រាជធានីភ្នំពេញ ដែលបានប្រព្រឹត្តបទល្មើស អំពើលួចមានស្ថានទម្ងន់ទោស (ឆក់កាបូបស្ពាយ មិនបានសម្រេច ) នៅចំណុចមុខហាងម៉ាស្សាយីហោវ៉ាភូផ្ទះលេខ១៤ ផ្លូវលេខ៥១ ភូមិ៧ សង្កាត់បឹងកេងកងទី១ ខណ្ឌចំការមន រាជធានីភ្នំពេញ កាលពីថ្ងៃទី ០៨ ខែ មករា ឆ្នាំ ២០១៩ វេលាម៉ោង ១៩ និង ១០ នាទី និងចាប់យកវត្ថុតាងមធ្យោបាយធ្វើសកម្មភាពម៉ូតូមួយគ្រឿង បញ្ជូនមកការិយាល័យនគរបាលព្រហ្មទណ្ឌកំរិតស្រាល រាជធានីភ្នំពេញ ដើម្បីធ្វើការសាកសួរ មានឈ្មោះ ៖

១-ឈ្មោះ អ៊ឹង រតនា ហៅ ខ្នា ភេទ ប្រុស អាយុ ១៩ ឆ្នាំ ជនជាតិ ខ្មែរ  មុខរបរ លក់ម៉ូតូ ស្នាក់នៅផ្ទះមិនចាំលេខផ្លូវលេខមិនចាំបូរីហុងឡេងយី សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ ។

២-ឈ្មោះ ស្រី មនោ ភេទ ប្រុស អាយុ ១៧ ឆ្នាំ ជនជាតិ ខ្មែរ
មុខរបរ ធ្វើម្ហូបការ ស្នាក់នៅផ្ទះគ្មានលេខ ផ្លូវលំ ឃុំអរិយក្សត្រ ស្រុកល្វាឯម ខេត្តកណ្តាល ។

៣-ឈ្មោះ គ្រឿន ជលសា ហៅ នៅ ភេទ ប្រុស អាយុ ១៧ ឆ្នាំ ជនជាតិ ខ្មែរ  មុខរបរ ធ្វើចំការ ស្នាក់នៅផ្ទះលេខ០២ ផ្លូវលំ ឃុំអរិយក្សត្រ ស្រុកល្វាឯម ខេត្តកណ្តាល ។

វត្ថុតាងចាប់យក
ម៉ូតូមួយគ្រឿងម៉ាកហុងដាសេ១២៥ ពណ៌ទឹកមាស ឆ្នាំផលិត ២០១៩ លេខតួ-លេខម៉ាស៊ីន ៥៣៧៨៧០៥ ពាក់ស្លាកលេខភ្នំពេញ១HI ៨២៤៧ ។

បច្ចុប្បន្នជនសង្ស័យនិងវត្ថុតាងខាងលើ ការិយាល័យបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធីច្បាប់ ។

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ