ព្រឹតិ្តការណ៍ថ្មីៗ

សាហាវណាស់! រថយន្ត២គ្រឿង ផ្ទះ១ខ្នងបាក់រាបដល់ដី ក្នុងករណីគ្រោះថ្នាក់ចរាចរណ៍រវាងឡានដឹកឈើ និងឡាន សារព័ត៌មានដេញគៀគ្នាដូចរឿងហុងកុង

6 ខែ មុន 187 តូ សុផល

មណ្ឌលគិរី ៖ រថយន្តចំនួន០២ គ្រឿង បានរងការខូចខាតយ៉ាងដំណំ មនុស្សចំនួន០៤នាក់រងរបួសធ្ងន់និងស្រាល ផ្ទះចំនួន ០១ខ្នងបានបាក់រាបដល់ដីបណ្ដោយឲ្យស្ត្រីវៃចំណាស់ម្នាក់ស្លាប់យ៉ាងអាណាចអាធម៌ នៅក្នុងហេតុការណ៍គ្រោះថ្នាក់ចរាចរណ៍មួយដែលបានកើតឡើង នៅចំណុច km 136 ស្ថិតនៅភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរីកាលពីវេលាម៉ោង ០៦ ថ្ងៃទី ២៧ ខែធ្នូឆ្នាំ ២០១៨។

ក្នុងករណីគ្រោះថ្នាក់ចរាចរណ៍ខាងលើ ប្រភពពីកន្លែងកើតហេតុ បានឲ្យដឹងថា មានរថយន្តចំនួន ០៥គ្រឿង បានធ្វើការតាមពីក្រោយ ឡានសាំយ៉ុងមួយគ្រឿងដែលមានផ្ទុកឈើប្រណិតក្នុងទិសដៅពីស្រុកកែវសីមា ឆ្ពោះទៅស្រុកស្នួលខេត្តក្រចេះ ដោយឡែក ម្ចាស់ឡានឆ្លាមពណ៍ខ្មៅជាអ្នកកាសែតCTVគេចខ្លួនបាត់មកដល់ពេលនេះ ចំនុចកើតហេតុ រថយន្តពីរគ្រឿងបានប៉ះទង្គិចគ្នា បណ្ដាលឲ្យរថយន្តសាំយ៉ុងរងការក្រឡាប់ ជាច្រើនត្រលប់ ចូលទៅក្នុងផ្ទះមួយខ្នងរបស់បងប្អូនខ្មែរឥស្លាម បង្កឲ្យមនុស្ស ស្រីវៃចំណាស់ម្នាក់ នៅក្នុងផ្ទះ បានស្លាប់ ចំណែកមនុស្សនៅលើរថយន្តសាំយ៉ុង ចំនួន ៣នាក់ បានរងរបួសធ្ងន់ស្រាលកំពុងស្ថិតនៅក្នុងការជួយសង្គ្រោះ ដោយឡែក ម្ចាស់រថយន្តប្រភេទឆ្លាម ពុំស្គាល់អត្តសញ្ញាណ មិនបានស្ថិតនៅកន្លែងកើតហេតុនេះនោះទេ។

សេចក្តីរាយការណ៍ពីកន្លែងកើតហេតុ បានបញ្ជាក់ថា រថយន្តដែលរត់តាមពីក្រោយរថយន្តសាំយ៉ុង គឺជារថយន្តរបស់សមត្ថកិច្ចស្រុកកែវសីមា ចំណែករថយន្តសាំយ៉ុងដែលមានផ្ទុកឈើនោះ ត្រូវបានគេបង្ហើបថា មានម្ចាស់ឈ្មោះរដ្ឋ ជាតៃកុងឡាន និងជាកូនប្រុស របស់លោកមាស សុភាព មេបញ្ជាការវរៈការពារព្រំដែនលេខ២០៤ខេត្តក្រចេះ។

ក្រោយពីកើតហេតុ សមត្ថកិច្ចស្រុកកែវសីមា បានចុះដល់គោលដៅ និងបានបញ្ជូនជនរងគ្រោះទាំង៤នាក់ ទៅធ្វើការសង្គ្រោះ នៅមណ្ឌលសុខភាព ស្រុកកែវសីមា ហើយខ្លះទៀតត្រូវបានបញ្ជូនទៅសង្គ្រោះ នៅឯប្រទេសវៀតណាម ៕

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ

error: Content is protected !!